□ 关仕京 搜集翻译

(接上期)

Sai: Siengj doxiu gaq giuz，

Caez doxiu fwet oen；

Cauh diuz roen ndaej doeng，

Byaij hwnjroengz fuengbienh.

男：欲相邀架桥， 同把荆铲掉；

开通一条路， 方便去闲聊。

Mbwk: Senqsi gou cix ngvanh，

Lau ancamh mbouj bingz；

Danghnaeuz beix miz sim，

Baengzcingz caemh miz eiq.

女：我早想在心， 怕铺设不平；

倘若哥有意， 朋友也有情。

Sai: Ok rog daeuj gaeuj va，

Caiq raen mbaj doxgaen；

Faenh raeuz ni ha ngaenz，

Ij yaek baenzlawz yiengh.

男：外出把花赏， 又见蝶相伴；

咱俩呢妹银， 打算怎么办。

Mbwk: Vadauz cieng nyied hai，

Valeiz ngeih nyied hwnj；

Dauqcawq va langhbywng，

Faenh mwngz cungj mbouj

ngeix.

女：正月桃花放， 二月梨花香；

到处花绚丽， 你何不品赏。

Sai: Va hai mak baenz foengq，

Roeg ndaw ndoeng baenz doiq；

Gou iu nuengx mwngz noix

(neix)，

Caez guhdoih byaij roen.

男：树上果成串， 林中鸟成双；

我邀阿妹你， 作伴走路欢。

Mbwk: Cocin va did amq，

Hailangh caengz daengz seiz；

Nuengx ngeihlingz nienzgeij,

Mbouj ra beix daeuj gaen.

女：初春花含苞， 开放时未到；

妹年纪尚轻， 情郎不急找。

Sai: Duzbit beij duzhanq，

Saed nanz ndaej doengzdaengh；

Siengj dem nuengx doxgaen，

Caez doxbaengh ing’yungz.

男：鹅与鸭相比， 实难以相称；

想和妹相随， 相依享福分。

Mbwk: Ngeix gyoengq nuengx gou ga，

Haiva gauq cin seiz；

Youq senqsi cix ngeix，

Lau beix mboujmiz cingz.

女：想我众姐娣， 开花靠春季；

早已就想到， 担心哥无意。

Sai: Gyoengq beix hauq miz cingz，

Lau gim mboujmiz eiq；

Coenz vah ndei gangj neix，

Lau gvaqbae cix lumz.

男：阿哥好有情， 就怕妹无意；

好话在此说， 怕过后忘去。

Mbwk: Raeuz caezgya youq neix，

Coenz lawz ndei cij lwnh；

Sawq cam mwngz beixlwnz，

Dingh gvaq vunz loba？

女：我们在此坐， 哪句好才说；

试问大哥你， 是否定婚过？

Sai： Gou gag ngeix gikheiq，

Ngeihgeij caengz aeu yah；

Mwngz cam neix coenz vah，

Miz gaiqmaz laizyouz？

男：我思来悲凄， 廿几未娶妻；

你问这句话， 有什么用意？

Mbwk: Gou raen mwngz baenzmbauq，

Siengj bau ra boux vunz；

Dah de iq mbouj hung，

Aiq caeuq mwngz bingzbah.

女：见哥帅得很， 想介绍个人；

她窈窕淑女， 和你好相称。

Sai: Caenh ndaej yienghneix ga，

Hauq guhmaz vuenheij；

Youzcaih ndei mbouj ndei，

Bae guhmoiz yawjgaeuj.

男：真得到这样， 实在很开怀；

管容貌如何， 你做媒带来。

Mbwk: Caen faenh gou nuengxheiz，

Yienghceij mbouj daih gyaeu；

Caez caemh meh okdaeuj，

Dwg song boux song seng.

女：是我真小妹， 样子不算美；

同一母降生， 是孪生姐妹。

Sai: Gangj caen rox gangj gyaj，

Mwngz baema cam yawj；

Iu bae saek ngoenzhaw，

Yaek youq lawz doxdeq.

男：讲假或讲真， 你回去问问；

邀她赶趟圩， 在何处候人。

Mbwk: Danghnaeuz mwngz mbouj caz,

Gou baema menh naeuz；

Ndwen neix sat ngeihgouj，

Daeuj gyaeujgiuz doxdeq.

女：如果你不嫌， 我回去引见；

本月二十九， 在桥头会面。

Sai: Vah gangj baenzlai ndei，

Caen nuengxheiz mwngz mbouj？

Caj mbouj raen de daeuj，

Cienq naj caeuq mwngz damz！

男：讲诸多好话， 真是你妹吗？

等不见她来， 就跟你谈啦！

Mbwk: Hong guh mbouj lauzlad，

Goetgag caiq mbouj gyaeu；

Ciuq faenh de haengj daeuj，

Mwngz mbouj aeu caemh nanz.

女：做工不能干， 样子不好看；

她执意要嫁， 你不娶也难。

(caengz sat)