Haeujsim fajnaj hwnj gyak: “Gyak vadauz” dwg aenvih vafaenj、faenx daengj loenqdoek daengz gwnz naengnoh, ginggvaq ndit ciuq faengaij deng naengnoh supsou le canjseng cungj fanjying ndeu. Fuengzceih fuengfap: Baujciz fajnaj seuqsak, bingzseiz lai gwn byaekheu、lwgmak. Fajnaj baez hwnj gyak, wng youq canghyw cijdauj lajde daeuj cat yw, caemhcaiq geih gwn lwgmanh、coeng ndip、gyaeujsuenq ndip dem.

Bouxlaux haeujsim fuengz baenz mauhfung: Haeuj seizcin le, bouxlaux wng fuengz sailwed aen’uk baenzbingh. Aenvih seizcin givwnh mbouj onjdingh, ciengz fat miz rumznit, giyaz bienqvaq daih, moix baez givwnh bienqvaq seiz, ndaej hawj sailwed bouxvunz nanz iethoet cix fat baenz mauhfung. Fuengzceih banhfap miz: Gyanghaemh genhciz aeu raemxraeuj swiq din.

Lwgnding haeujsim fuengz caeugaen: Moix bi seizcin, dingzlai lwgnding cungj baenz caeugaen, neix cujyau dwg veizswnghsu caeuq gai ndaw ndang mbouj gaeuq. Hix dwg aenvih gij lwgnding youq seizdoeng doekseng mbwn nit, noix ndaej ok rog ranz bae hozdung, ndit ciuq noix, najnaeng habbaenz veizswnghsu D noix. Ndigah aeu lai daiq lwgnding ok rog ranz bae raen ndit.