●1 nyied 10 hauh, Nanzdanh Yen Minzcwnggiz gunghcoz yinz- yenz hai ci 42 goengleix, dawz 50 geu buhmienz moq soengq daengz Lijhuz Yauzcuz Yangh Gojva Siujyoz, hawj 47 boux siuj hagseng Bwzguyauz daenj ndangdaenj mbang haenx miz le ndangdaenj dingj nit.

(Fuz Lungzgyangz)

●1 nyied 10 hauh, Lungzswng Gak Cuz Swciyen Minzcuzgiz bang lingjdauj ganbu he daengz aen cunh bangfuz lienzhaeh Swsuij Yangh Couhgyah Cunh, cunzcam le cunh ganbu、dangjyenz gungzhoj 8 boux, gungh soengq cienz veivwn 2000 maenz.(Lungz Cwng)

●1 nyied 9 hauh, Cungguek Yauzcuz Vangj vangjyouj nem doenghboux aisinh 8 boux, youz fucungjbenh Veiz Swngsanh daiq- lingx, daengz Dava Yauzcuz Swciyen Gyanghnanz Yangh Fazdangz Siuj- yoz, fat mauh、madfwngz、denz daengj hawj hagseng, gij doengh- yiengh neix dij fanh lai maenz.

(Vangz Vwnzboh)

●1 nyied 8 hauh, Audaliyaj gyauzbauh Vei Gihcwngz gvanbaz gien 600 geu ndangdaenj dingj nit dij 24 fanh lai maenz haenx hawj Lozyez Yen Dungzloz Cin Sanggangj Cunh、Sinhva Cin Denhbingz Cunh、Lozsah Yangh Yinzlungz Cunh、Youbingz Yangh Lungznaz Cunh daengj gij cunh mbanj saujsu minzcuz comzyouq haenx.

(Yangz Swngciz)

●1 nyied 7 hauh, Yizcouh Si Minzcuzgiz youq siveij dangjyau gawjbanh le minzcuz gunghcoz sinsizyenz beizyinbanh. Daengx si minzcuz gunghcoz sinsizyenz nem minzcuzgiz daengxcungq ganbu gungh 86 vunz camgya le beizyin.

(Cwngh Siujmeiz)

●1 nyied 7 hauh, Lungzlinz Gak Cuz Swciyen Minzcuzgiz veivwncuj daengz diemj fuzbinz—Dwzngoz Yangh Ya’gyahvanh Cunh nem Mohgih Cunh cunzcam ginz- cung saujsu minzcuz gungzhoj. Baez neix gungh cunzcam le 8 hoh ginzcung saujsu minzcuz gungzhoj (Myauzcuz 5 hoh、Gwzlaujcuz 2 Hoh、Yizcuz 1 hoh), moix hoh fat hawj fan denz he nem 100 maenz ngaenz.

(Dauz Dwzgvangh)