Bonjbauq siusik (gicej Dangz Lungz) 1 nyied 11 hauh lajbyongh- ngoenz, Daihngeih Baez Vwnzyoz Bouxcuengh (Gvangjsih) Daujlunvei youq Namzningz gawjhengz. Doengh- boux cozgyah、 bingzlun’gyah dox- comz giz he, doengzcaez lwnhyaeng gij cingzgvang soundaej nem saetbae vwnzyoz Bouxcuengh (Gvangjsih) caeuq baezlaeng baenzlawz fazcanj.

Youq ndaw Cungguek saujau minzcuz vwnzyoz, vwnzyoz Boux- cuengh dwg aen bouhfaenh cungyau he, hix dwg Gvangjsih vwnzyoz aen bouhfaenh cungyau he. Cozgyah Bouxcuengh Cangcoz Cuzcinvei veicangj Vangz Beivaz naeuz, couh- cinj seizneix vwnzyoz Bouxcuengh gaenq miz haujlai cinbu nem fazcanj, hoeng vanzlij vwndiz mbouj noix. Lumjbaenz, mbouj miz cienmonz gveihva nem cosih daeuj gensez nem fazcanj vwnzyoz Bouxcuengh, cwng- cwz bangfuz mbouj gaeuq, cozbinj cozgyah Bouxcuengh oksaw hoj daengj. Ngoenzneix hai aen hoih daujlunvei neix, gij muzdiz ceiq hung couhdwg yaek hawj vwnzyoz Bouxcuengh caiq hoengh hwnj- daeuj.

Aen Cozgyah Bouxcuengh Cang- coz Cuzcinvei laeb youq 1987 nienz haenx, vih beizyangj cozgyah Boux- cuengh, sawj vwnzyoz Bouxcuengh hoengh, doidoengh vwnzyoz Boux- cuengh cinbu, guh le haujlai hong. Ngoenz haenx, Cozgyah Bouxcuengh Cangcoz Cuzcinvei vanzlij gawjbanh le aen hoih fatciengj Daihcaet Gaiq Bouxcuengh Vwnzyoz Ciengj caeuq Daihsam Gaiq Sawcuengh Vwnzyoz Ciengj. Sawcuenh raez《Gij Nae Louz Youq Seizhah》youz Mingz Mei sij haenx daengj 5 bouh cozbinj ndaej Daihcaet Gaiq Bouxcuengh Vwnzyoz Ciengj; sawcuenh raez 《Bangx Dahgovaeng》youz Siz Caizyij、Lingz Hinghningz、Ganh Sozvwnz sij haenx daengj 4 bouh cozbinj ndaej Daihsam Gaiq Sawcuengh Vwnzyoz Ciengj. Ndaw doz dwg veiyi yienhciengz.