右 江 排 歌

情 歌 （译注）

□ 杨兰桂 整理翻译

（接上期）

Sai: Fwen byai daengz neix doek

Fwen goek daengz neix daengx

Cij nuengx gag bae ranz

Fwen mbouj cag mbouj ndaej

Roeglaej daej ra ranz

Lwglan daej ra meh

Gwndaenj miz boux deq

Cij ndaejgeiq goj nanz

Nanz biek le biek nangz

Fan laeng ngoenz lawz caj

Fan naj ngoenz lawz deq

Hawj go deq ngoenz lawz

Nuengx yaek bae cix bae

Ndiepgyaez mbouj ndaej ha

Geijseiz haep raemxdah mbouj lae

Geijseiz gaem aen sae youq fwngz

Geijseiz gaem nuengx mbouj bae

ranz

Maij nuengx hamj bae ngamz

Gvang lij gyaez mbouj duenh

Biengz luenh goj mbouj lumz

Go youq neix caj mwngz

Aensim mwngz laeg viq(lumz)

Mbouj ndaej caemh hokranz

Sim lij haemz daengz geq

Sij ndaej lwi

男：山歌唱到此 至此话分别

妹要回家去 归去唱分离

麻雀哭找家 小孩哭找娘

妹管家油盐 哥念妹也难

别妹难又难 何时再相邀

何时再相约   何日再相会

妹要走难留 爱你不能连

何时抽刀断水流 何时田螺抓手中

何时牵妹不分离 妹背影消失

哥思念不止 乱世都不忘

哥在此等你 妹可别忘记

不能同家室 哥抱憾终生

舍得吗

Mbwk: Nuengx daengq it mwngz geiq

Nuengx daengq ngeih mwngz gvang

Roeg bae ranz cauh denh

Enq bae rog cauh rongz

Song duz roeg dangq faex

Mbouj ndaej gyonj caemh go

Dai daengz ciuh mbouj cuengq

Ndiep daengz ciuh raeuz muenx

Biengz luenh mbouj lumz gvang

Gyaez mwngz gvaq loegit caetsam

Loegit ok caucang

Caetsam ok ngaenz hawj

Hai saeuh bouj haeuxliengz

Aenyienz raeuz gonqnduj

Couh ndaej uq(youq) caemh ranz

Beixnuengx sim hongzhanz

Hawj nuengx sim liengzlih

Ciuh neix daeuj lajmbwn

Lajdeih mbouj ndaej mwngz

Youq lajmbwn doengz yiengq

Caen ienq mwngz lo gvang

Saek ngoenz dai gonq go

Ndaej youq doq faeuj sang

Goekcoj youq ranz doz

Cawhoz youq ranz geiq

Aenngeih laj goek byoem

Nuengx youq laj deq ngaenz

Gvang daengz couh sienghoih

Caemhdoih byaij gvaq giuz

Boux bomq mbaq boux riu

Song raeuz ndwn gwnz giuz

Bae ndij souj gwn yieng

Bae ndij sien gwn mak

Aeu faexvag guh ranz

Guh gvanbaz geij ciuh

女：妹嘱咐一二 哥莫相忘却

鸟归林筑窝 燕回屋筑巢

两只爱情鸟 不能同树栖

致死不放弃 爱一生一世

乱世不忘哥 爱你过六一七三

六一做寿帐 七三封寿钱

设个香炉补寿粮 姻缘天注定

命合能结交 妹心乱惶恐

妹心凉着急 人生这一世

若不能嫁你 欢喜共一家

怨你一辈子 若妹先哥逝

得哥守灵柩 至死想着哥

时刻挂心头 情谊留发根

妹阴间等哥 等哥来相会

奈何桥上过 相偎笑盈盈

奈何桥上看风景 天庭氲氤赏香火

分享神仙果   通心木筑屋

快乐永相伴 (sat)