Mwh gwn hojgoh seiz, byaek mbouj hab ndat lai, conghbak caeuq nemmuek aendungx vunzraeuz itbuen ngamq dingj ndaej 50 daengz 60 dohndat, danghnaeuz ndat lai, nemmuek couh rox deng sieng yinxhwnj baenz gipsingq saihoz in caeuq gipsingq dungx in. Mwh gwn hojgoh seiz, wng sien nip roengz deb iq bae langh liengz caiq gwn. Boux haengj gwn haijsenh hojgoh ceiq ndei lingh aeu deb raemxmeiq ndeu caemj gwn. Raemxmeiq ndaej bang- coh siuvaq, ndaej gemj- mbaeu gij fudanh conghsaej.

Gyaeujsuenq hamz miz son’anhsonh caeuq sonmeiz, ndaej hawj veizswnghsu B1 louz youq ndaw ndang vunz nanz di, mizleih aenndang supsou leihyungh veizswnghsu B1, caemh ndaej siucawz ndang vunz naetnaiq、dem- giengz rengzndang, ndigah mwh gwn noh seiz ceiq ndei boiq gwn di gyaeujsuenq ndeu.

Linghvaih, yenzgiu yinz- yenz ginggvaq yenzgiu fat- yienh, aeu gyaeujsuenq ndip ronq baenz gep mbang roxnaeuz daem yungz le gwn ndip, mizleih simdaeuz gengangh, caemh ndaej coi lwed ndaw ndang riuzdoeng, daj neix daeuj baujhoh aen- daep.