Daih’it, seiz- doeng habliengh gwn di laeujmakit he ndaej bang fuengz- ceih bingh sim sailwed. Seizdoeng mbwn nit, sailwed ndang vunz yinh- soengq deng gaz, hezyaz hix gaenriengz swng sang, boux baenz hezyaz sang caeuq boux baenz binghsimdaeuz dem- lai. Ndaw laeujmakit hamz miz gak loih gvangvuzciz caeuq lai cungj veizswnghsu, ndaej gyangqdaemq danjgucunz hamzliengh ndaw ndang, hawj ndang vunz mizyauq dwk bae yawhfuengz baenz bingh sim sailwed.

Daihngeih, ndaej bangcoh fuengzceih baenz dwgliengz. Seizdoeng mbwn hawqsauj caemhcaiq nitgyoet, haujlai vunz yungzheih baenz siengfung dwgliengz. Ndaw laeujmakit daegbied dwg laeujnding hamz miz daihliengh dohfwnh doxgaiq caeuq veizswnghsu, ndaej bang vunzraeuz dingj binghdoeg dwgliengz, daezsang menjyizliz.

Daihsam, ndaej bang vunzraeuz baujhoh dungxsaej. Seizdoeng mbwn nit, ndang vunz yungzheih cauhbaenz heiqyiengz hawnyieg caeuq beizheiq hawcaep, ndaw laeujmakit hamz danhningz lai, ndaej diuzcez gij goengnaengz gezcangz(结肠), baujhoh dungxsaej.

Laeujmakit yienznaeuz ndei gwn, danhseih lwgnyez、boux daep miz bingh、mehdaiqndang、boux dungx miz bingh mbouj hab gwn, mboujnex aendungx deng gig le bingh engq haeuj naek.

冬季适饮葡萄酒好处多