Miz haujlai vunz mwh gwn ngaeux seiz cungj haengj gveng hohngaeux bae, saed- saeh ha hohngaeux dwg meih yw ndei dingz lwed ndeu, mboujdanh ndaej yw ndaeng ok lwed, caemhcaiq ndaej yw ae ok lwed、rueg ok lwed、 nyouh ok lwed、haex ok lwed caeuq mehmbwk dawzsaeg ok lwed daiq lai daengj bingh dem. Seizdoeng mbwn hawq- sauj, ndaeng yungzheih ok lwed, mboujfuengz aeu hoh- ngaeux baek raemx gwn daeuj yw.

Aeu hohngaeux yw ndaeng ok lwed fuengfap gig genjdanh, couh dwg ngoenz- naengz aeu 3 daengz 5 aen hohngaeux swiq seuq dwk raemx baek song baez, moix baez baek buenq diemj cung, doeklaeng aeu song baez ywraemx gyonjgyoeb dang caz gwn, gvaq 3 daengz 5 ngoenz couh raen miz mingzyienj yaugoj.