Geij ngoenz gonq, gicej bae daengz lajmbanj Dava Yauzcuz Swciyen caijfangj seiz rox daengz, gizde, miz mbangj siujyoz aenvih sizdangz hagseng bouxdajcawj noix, guh hong sizdangz guh mbouj gib, ndigah, lauxsae cawzliux hwnjdangz le lij doxlwnz bae sizdangz bang swiq byaek cawj haeux. Youq dieg runghlaeg haenx diuzgen engq ca lo, hagdangz mbouj miz sizdangz caeuq bouxdajcawj, cawx byaek、cawj haeux、swiq vanj, guh ngaizringz hawj hagseng gwn, cungj dwg youz lauxsae gag guh.

Vihliux gaijndei lajmbanj yivu gyauyuz yozyau hagseng gwnhaeux diuzgen, bi 2012, Swcigih caizcwng gaenq comzrom 19.48 ik maenz, yungh daeuj gaijndei hagdangz hangseng sizdangz. Hoeng, gij hagdangz youq dieg bienbik dieg rungh haenx, hagseng gwnyouq diuzgen lij gig ca, siengj aeu ndaej gaijndei diuzgen hoj neix, lij aeu byaij duenh loh haemq raez ndeu cij ndaej.(Sinhse)