昭平：“道德讲堂”进村屯

“Hauqgingq aeu vaiqdangq, ndang- genq gaej lumz aen……” Mboengqgonq, vihliux sawj vunz ndaw mbanj rox gangj vwnzmingz, gangj daudwz, rox hauqgingq bohmeh, gyoengq nungzminz Cauhbingz Yen Vwnzcuz Cin Mbanj Gveivah youq ndaw mbanj gawjhengz aen hozdung“Gozyoz haeuj fanh hoh” gangj daudwz ndeu.

Ciuq hozdung gveihding, moix boux vunz aeu guh daengz “haj diuz” lajneix, couhdwg: Ciengq diuz go ndeu, gangj aen gojgaeq ndeu, gangj coenz vah ndei ndeu, dapwngq guh gienh saeh ndeu, soengq faenh gitleih ndeu. Gyoengq vunzmbanj bouxboux cungj angq camgya hozdwng, daihgya langhsing ciengq diuz go 《Duzyiengz Gvih Gwn Cij 》, hawj “dangz gangj daudwz” ciengz youq ndaw mbanj. Daihgya lij haengjheiq youq gwnz diuz hwngzfuz sij miz “guh boux vunz gaenx ndeu, guh boux vunz sienh ndeu”haenx ciem coh swhgeij, baujcingq itdingh guh daengz.(Liuz Feih)