Gyaeujsuenq: Naez gyaeujsuenq ndaej gaj dai gij binghdoeg baenz dwgliengz haenx. Guh byaekliengzban caeuq guh ciengq diuzliuh seiz dwk di gyaeujsuenq ndeu, byaek ndei gwn youh ndaej bauj ndang vunz gengangh.

Gyoijhom: Gwn gyoijhom ndaej daezsang menjyizliz. Caeuq yenmwz- ben(燕麦片) caez gwn ndaej dingj binghdoeg dwgliengz ganjyenj.

Lwgmanh: Gwn lwgmanh ndaej heuz saw raemxniu ndaw ndaeng, bangcoh dajdoeng baenz dwgliengz ndaeng saek, hawj diemheiq engq swnh, mizleih dwgliengz ndei vaiq. Linghvaih, ndaw lwgmanh hamz miz veizswnghsu C gig lai, ndaej demgiengz rengz dingj bingh naengzlig, mizyauq dwk fuengzceih baenz dwgliengz. Mwh cawj dang roxnaeuz cawj byaek seiz ndaej dwk di mba lwgmanh ndeu.

Lwgmaenz: Gwn lwgmaenz ndaej bangcoh ndang vunz lai caux bwzsibauh, dingj ndaej binghdoeg dwgliengz ciemq haeuj ganjyenj. Lwgmaenz ndaej naengj、saz roxnaeuz dumq gwn.