右 江 排 歌

情 歌 （译注）

□ 杨兰桂 整理翻译

（接上期）

Sai: Cij gvang ndaej mwngz doq

Cij gvang ndaej mwngz nangz

Gyanghaemh mbouj liuh ranz

Gvang roengz ranz saek haemh

Hujgeiq gaemh hawj ninz

Gvang cix naeuz mbouj vangq

Yamqdin doq daengz ranz

Ndiep nangz lumj lwgdog

Ngoenz ok rog ok ndae(ndaw)

Bae rog de goj gyae

Bae ndae gvang goj muengh

Muengh lumj boh bae haw

Ngawz lumj meh bae daiq

Haiq mwngz lumj ngaenzgim

Cim daengz dai mbouj mbwq

男：若得妹为妻 若得妹同宿

晚上门不出 偶尔串门去

伙伴硬留宿 哥定说没空

匆匆返回家 疼妹像独子

妹每天出入 哥怕路途远

小别望穿眼 像盼爹回家

像盼娘回来 当你是宝贝

看到死不腻

Mbwk: Cij nuengx ndaej mwngz go

Cij nuengx ndaej mwngz gvang

Sam ngoenz doq ngveihcuj

Gouj ngoenz doq ngveihdieng

Gwn naed ndeu goj imq

Gwn vangzlienz goj van

女：妹若嫁得哥 妹若嫁情郎

三天分吃一粒籽 九天分吃半粒糖

吃一粒也饱 吃黄莲也甜

Sai: Cij raeuz ndiep dox ndaej

Cij raeuz ndaej doxaeu

Haet doq raemx swiq naj

Haemh doq raemx swiq din

Haeuj rug caemh sing gangj

Buh nangz hawj go ra

Fuz nangz bae hwnj mbonq

Caemh guh naz doq cih

Caemh guh reih doxhenz

Henzdin bae coh gyak

Nuengx mbak go couh ndai

Cij nuengx mingh mbouj lai

Cij nangz dai gonq go

Go dwk benj sam caengz

Cij go dai gonq nangz

Gvang dwk baengz sam luep

Dwk sam luep baengzfonx

Dwk song gunj sawmingh(betcih)

Nding bae laj doxaeu

Song raeuz gyaeuj doxcoh

Mingh hoj lwg hoj cing

Boux ing boux guh maenh

Boux baengh boux guh rengz

Boux bang boux dai viz

Aensawz faen boux donh

Gaiq noh ronq guh song

Guhhong mbouj lau naiq

Dazfaiq mbouj raeujninz

Cij gim naengh doek daengq

Gou muengz yamq bae yo

Byoem hoij hoz go bued

Mwh nuengx ninz laj riep

Go cix dab song swiz

Go ninz ndwi goj naemq

男：我俩情相牵 我俩若相连

早共盆洗脸 晚同盆泡脚

屋里讲着悄悄话 陪伴妹梳妆

扶妹上竹床 种田不分离

种地紧相跟 田头到地尾

妹耕哥也耕 若红颜薄命

若妹先西行 棺板放三层

若哥先归西 你放布三道

放三道黑布 八字随下葬

阴间再结伴 我俩共白头

命若无子女 两两紧相依

紧相偎鼓励 紧密相搀扶

红薯共掰吃 肉粒分两半

干活不怕累   纺纱不瞌睡

若妹跌下凳 哥忙奔去抱

帮妹理乱发 妹躺蚊帐下

枕头哥叠俩 哥独睡心甘

Mbwk: Guhfwen daengq ndei daengq

Daengngoenz haemh le gvang

Raeuz goj baenz bae ranz

Fan neix raeuz bungz naj

Ndeq fan naj ngoenz lawz

Nuengx biek go bae gyae

Ndeq ngoenz lawz ndaej daeuj

Cam siengj raeuz rox nauq

Cij ndaej daeuj saek ngoenz

Cij biengz yak bi ca

Ngoenz yaq(ngamq) ndaej

roen ndeu

Gaem gen ngoenzneix dauq

Baenz hauh unq maij neix

Coenzgangj ndei mbouj rox

Coenzgangj goj liux caez

Nuengx goj youq laj maeh

Cijnaeuz mbouj bungz moq

Mbouj ndij go caemh ranz

Aensim nuengx lij haemz

Aensim nangz lij ienq

Doek lajdeih lajmbwn

Lajdeih mbouj ndaej mwngz

Youq laj mbouj doengz yiengq

Nuengx caen siengj mwngz

gvang

Mbouj ndaej caemh hog dauq

Mbouj ndaej dauq caemh ranz

Nangz yied bae yied naiq

Ndwnj myaiz mbouj roengz hoz

Caen gyoz(ndat) lumj feiz ongq

女：歌越唱越甜 天色却已晚

咱已该归去 今日喜相逢

何时再相见 妹别哥远去

何日再相逢 问哥想妹否

怕有缘相见 逢乱世流年

山崩断前路 今日手相牵

爱哥情连连 甜蜜道不尽

情话说不完 妹独自思量

若我俩无缘 不能共家园

妹心恨涟涟 妹心怨万千

妹今世一生 不得哥共枕

不得共白头 千万般不舍

不得结为伴 不得同家堂

无奈别离去 气咽不下喉

急如被火烧

(caengz sat)