Mehdaiqndang youq ndaw seizdoeng wnggai haeujsim yawhfuengz baenz dwgliengz caeuq ndok soeng ndok byoiq daengj bingh. Doengzseiz hix gaej aenvih laepda bouj naengzliengh cix “daihbouj” gwn dangnoh.

Ndang vunz aenvih youq seizdoeng sanq ndat haemq lai, ndigah meh- daiqndang aeu beij aen geiqciet wnq lai gwn di yingzyangj doxgaiq ndeu. Danhseih mbouj dwg naeuz heuh mwngz laepda luenh bouj, yingzyangj aeu hableix bouj gwn, dapboiq doxdaengh, gwn lai cungj lai yiengh cijndaej baujcwng lwgndawdungx aeu ndaej yingzyangj doxdaengh.

Gyoengq conhgyah genyi naeuz, mehdaiqndang mwh ngamq daiqndang aeu daegbied haeujsim bouj gwn yezsonh(叶酸), lai gwn byaekbohcai、byaekyouzcai、lauxbaeg nding、makgam daengj. Linghvaih, dang byacaek、cijvaiz、gij huq aeu duh daeuj guh caeuq lai cungj byaekheu cungj aeu haeujsim dapboiq, cijndaej dabdaengz aen muzdiz bouj gai、bouj diet、bouj yingzyangj haenx.