来源：广西民族报网
发布时间：2026-08-26
▲Bouxcoz nyezrauh Gvangjsih youq gwnz daiz foux saeceij.
Bonjbauq siusik (gicej Vangz Yigiz) 8 nyied 17 hauh daengz 21 hauh, “baihbaek·Cingz Lwgloux” gak cuz bouxcoz nyezrauh cawjdaez gyauhliuz hozdung guh sat. 10 boux bouxcoz nyezrauh fouxsae daj Gvangjsih Vuzcouh Dwngzyen hamj gvaq cien leix, bae daengz guekcoj baihbaek, caeuq Hwzlungzgyangh、Gizlinz、Liuzningz sam swngj gak minzcuz bouxcoz nyezrauh doxcomz Hwzlungz- gyangh Hozgangj, aeu sim gyau sim、aeu cingz yungz cingz, caemh sij le souj go minzcuz doxgiet gamjdoengh vunz ndeu.
Hozdung geizgan, bouxcoz nyezrauh Gvangjsih cizgiz faenyiengj gij funggingj fungsug caeuq goj minzcuz doxgiet Gvangjsih, baijok gij yiengh- siengq cingsaenz rengzdoengh hoengh- hwd. Gaihmusiz gwnzde, Dwngzyen feihyiz saeceij hwnjdaiz yienjok, gyonglaz goksad、saeceij diuqyat, yienhciengz vunzlai bek fwngz haenh ndei. Ciengz “sae namz baek foux” dap hwnj giuz namz baek vwnzva doiqvah, gawq baijok gij yinxdaeuz feihyiz Lingjnanz, hix hawj gak cuz bouxcoz nyezrauh youq ndaw vwnzva doxhag gyalaeg nyinhdoengz、ndaemlaeg cingzngeih.
Baez hozdung neix, bouxcoz nyezrauh Gvangjsih bienqbaenz boux- cienzboq Gvangjsih vwnzva、boux- saedhengz minzcuz doxgiet, gawq daiq gij vwnzva miz daegsaek Gvangjsih daengz guekcoj baihbaek, hix roxnyinh daengz gij rengz cingsaenz buekguh baenaj baihbaek, yawj ndaej engq gvangq、muzlienh binjgwz, soundaej gij minzcuz cingzngeih dijbauj hamj diegdeih、hamj minzcuz.
编辑：实习生 石喜丹 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com