Yungzanh: Ciet Hainduj Dwkbya Vunz Lai Vunz Daih

来源:广西民族报网

发布时间:2026-08-24

▲Vunzmbanj caeuq hekyouz caemh diuq fouxfaexsaux.

8 nyied 16 hauh, Yungzanh Yen Banjlanj Cin Muzgiz Cunh Mbanjhwngzdungz nauhyied dangq- maz, dangdieg guh baenz gaiq daihseiq “ciet hainduj dwkbya” , hozdung aeu “saedhengz cien fanh gunghcwngz,  geng laeg lajmbanj saenqhwng, angqhoh dwkbya fungsou” guh cawjdaez, yungh gij minzsug hozdung miz daegsaek angqcoux seizgeiz fungsou, giklix rengzdoengh lajmbanj hwngfat. Yienhciengz boux gyaez vwnzyi bonjdieg foenfoen hwnj daiz yienjheiq, cezmuz ndeiyawj aen dem aen. Doengzseiz, hozdung lij miz vut binghbanghgiuz、dwkdom、diuq fouxfaexsaux daengj hanghmoeg miz yinxdaeuz, ginzcung cizgiz camgya、angqangq yangzyangz, youq ndaw minzsug daejniemh caezyiengj gij angqyangz fungsou, yienh’ok gij funghcingz lajmbanj naekna caeuq gij rengzhoengh lajmbanj singjsien, coenghrengz lajmbanj saenqhwng. Gaenh geij bi daeuj, Yungzanh Yen doenggvaq guh lix cienzciep minzsug vwnzva、fungfouq cingsaenz vwnzva swnghhoz ginzcung, cietsaed daezswng vunzmbanj roxnyinh vuenyungz caeuq roxnyinh gvisug, cienzmienh  baijok gij cwngzgoj hungloet hwnqguh lajmbanj  huzndei, laebdaeb  cat  rongh binjbaiz lajmbanj vwnzva, vih daengx yienh doicaenh lajmbanj cienzmienh saenqhwng dwk haeuj gij rengzdoengh cingsaenz caeuq rengz- doengh hwngfat mbouj dingz mbouj duenh.

(Danz Gaijhingh/谭凯兴

Liengz Munggiz/梁梦琪)


编辑:实习生 廖小凤  复审:黄慧华  终审:蒙树起