来源：广西民族报网
发布时间：2026-08-18
Mboengqneix, Gvangjsih ngaiz rumzhwx “Meijsahgwz” yingjyangj, Nanzningz、Gveigangj、Ginhcouh、Fangzcwngzgangj daengj dieg doek fwnhaenq geij hwnz geij ngoenz, Hwngzcouh Si Luzlanz Suijgu、Yinzbyauj Suijgu raemx roenx dumh daengz Yinzbyauj、Yauyij、Majlingj daengj yanghcin. Gatdaengz 7 nyied 7 hauh, gungh miz 14 aen laeb gih si 63 aen yienh gih, 37.5 fanh vunz souhcai, gijgvangq gohuq souhcai 19.35 fanh moux. Gatdaengz 7 nyied 9 hauh, daengx gih gungh miz 39 vunz dai、9 vunz ra mbouj raen.
Swcigih Dangjveij、cwngfuj daih’it seizgan baijbouh hong wngqgip fuengz raemxdumh, Gvangjsih daengx gih 16 aen doih siuhfangz gouqcoengh 1671 boux duiyenz gaenjgip hengzdoengh. Gatdaengz 7 nyied 7 hauh, guekgya、swcigih gyoebsuenq douzhaeuj bouxbing、vujgingj、siuhfangz、minzbingh、Cunghgoz Anhnwngz、gungh’anh daengj gak loih gouqyiemj gouqcoengh yinzyenz 8342 vunz, fatdoengh Hungzcizsw、Lanzdun、Lanzdenh daengj 40 aen doih gouqcoengh sevei 300 lai vunz. Gatdaengz 7 nyied 9 hauh, dan Nanzningz Si couh senj anceiq ginzcung 6.45 fanh vunz, Hwngzcouh Si、Binhyangz Yen gij vunz wng senj cienzbouh ancienz senj caez.
Seizneix hong gouqyiemj gouqcoengh gihbwnj guh liux, daengx dieg cienzmienh cienj haeuj guh ndei hong satbyai doeng roenloh、cing naez siudoeg、baujcang doxgaiq aeuyungh、fuk geng fuk canj daengj, swnghcanj swnghhoz byaijonj hoizfuk.
(Vangz Yinz/黄云 Hoz Sangenz/何善权
Cangh Sinhyiz/张新怡 Veiz Yingjcinh/韦颖琛)
Mbawdoz gangjmingz：Gij doz neix dwg gyoengqvunz gouqyiemj youq Hwngzcouh Si gouqcoengh ginzcung.
编辑：实习生 廖小凤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com