来源：广西民族报
发布时间：2025-04-15
Mboengqneix Swcigih Vwnzva Caeuq Lijyouz Dingh lwnh gyoengqvunz rox, bi 2025 mboengq ngoenzgyaj Gvangjsih Sam Nyied Sam, daengx gih vwnzlij hawciengz yinhhengz onjdingh, yienghsaeh vwnzva lai cungj lai yiengh, vunz baeyouz lailang, siuhfei hawciengz hoenghvuengh. Gak dieg gak bouhmonz hopheux “bi baeyouz Gvangjsih”“Gvangjsih Sam Nyied Sam·aen ciet angq Bazgvei” yienghsaeh vwnzva lijyouz lai cungj lai yiengh, yinx ndaej haujlai bouxhek caeuqfaenh vwnzlij hawciengz baenz yiengh doxbae hoenghhwdhwd.
Mboengq ngoenzgyaj Gvangjsih vwnzlij hawciengz okyienh sam aen daegdiemj: It dwg vwnzva swnjcienz caeuq cauhmoq laebdaeb hawj baeyouz lai miz neihanz. Ciuhgeq caeuq daihneix dox giethab, vunzgihgi yienghvunz AI “Liuz Sanhcej” caeuq fwenvuengz Gvangjsih yienj doiqfwen hawj haujlai vunz haeujrwz, aen haw feihyiz comz haujlai feihyiz hanghmoeg, Mancuengh、aennyenz doengh gij feihyiz hanghmoeg neix angjda raixcaix, bouxhek haeujgyawj roxnyinh gij yinxdaeuz feihyiz vwnzva. Ngeih dwg gyalai gunghawj huq ndei hawj bouxhek ndaej senjleh engq lai. Doiok lai aen cienlied “eu fwen youz Gvangjsih”、fat mbaw gaj cienmonz siuhfei yawj yienjheiq “gaen yienjok youz Gvangjsih” doengh gij neix, yinx bouxhek bae yawjngonz minzsuz caeuq heiq dangdieg daegbied gagmiz de. Sam dwg dauqcungz cauh aen ciengzgingj siuhfei hawj bouxhek haeujgyawj bae yawjngonz youzcet. Cauh aen haw gwnz raemx、doiok huq “byailinx+faenzcauh”, guh yienghsaeh ciet ndei “Gvangjsih hwnz hoenghhwd”、vuzyinzgih langhbaij eu fwen doengh gij saeh neix, guhhoengh siuhfei hawciengz. (Liengz Banzswngh)
编辑：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com