来源：广西民族报网
发布时间：2025-03-04
▲Caeqbaiq yienhciengz.
2 nyied 22 hauh， Denzlinz Yen Lucwngz Yauzcuz Yangh Lunggvangh Cunh nauhyied raix- caix，aen mbanj neix guh gij yienghsaeh Bouxcuengh “caeq Mehyauz” bi guh baez haenx. Gyoengq vunzmbanj daenj buhvaq moqsag, roq gyong roq laz, angqcoux gyoengq bouxhek daeuj daengz.
Faengx、ceiz、haeuxnaengj、nohlab daengj gak cungj gak yiengh gijgwn ndei hawj vunz myaiz rih, daengx aen cunh nauhyied raixcaix.
Youq aen Diengzmehyauz gyoengq vunz caez gouzmuengh, caeqbaiq Mehyauz, muengh fwn yinz rumz swnh、haeuxliengz baenz lai.
Ciuq cam rox, “caeq Mehyauz” dwg aen cienznaeuz Bouxcuengh Yauzcuz doxaeu hawj vunz gamj- doengh ndeu， doxcienz gaxgonq，dahsau singq Banh Lanzdenyauz cungbyoengq gij gimqgeih “Bouxcuengh Yauzcuz mbouj doxaeu”， caeuq daegmbauq Boux- cuengh Lunggvangh Cunh doiq fwen dinghcingz, guh baenz gvanbaz. De mboujdan aeu dinfwngz yw Yauzcuz yw gyoengq beixnuengx henzgyawj, lij comz vunzmbanj guh’angq, hawj mbanjmbanj hoenghvuengh. Vunz daihlaeng geiqniemh gij goenglauz de, heuh de guh “Mehyauz”, caemhcaiq guh diengz caeqbaiq, cugciemh baenz gij yienghsaeh ndawbiengz coengh minzcuz doxgiet ndeu.
Geij bi neix daeuj, Denzlinz Yen aeu gij yienghsaeh minzsuz caeuq vwnzlij yungzhab dox giethab, doenggvaq “feihyiz+lijyouz”“minzsuz+yenzgiu hagsib” daengj vunqsik, cauh gij binjbaiz vwnzva minzcuz miz daegsaek, caemh raiz diuz go minzcuz doxgiet.
(Vangz Sucingz Vangz Yozmingz)
编辑：黄誉琦 复审：复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com