来源：广西民族报
发布时间：2024-08-28
Mboengqneix, Nanzningz Si doiok aen gihci guhhong coihawj gak minzcuz doxcunz doxgyau doxyungz, doenggvaq laeb gveihcangh laeb gihci, hawj vunz lai rox lai nyi doidoengh couqmaenh gij eiqsik caezcaemh Cunghvaz Minzcuz.
Haeujlaeg gak minzcuz doxcunz doxgyau doxyungz caeuq ginghci gensez、cwngci gensez、vwnzva gensez、sevei gensez、swnghdai vwnzmingz gensez caeuq dangj gensez doxgven maedsaed, doxlienz gaenjndaet. Aen gihci guhhong dwen daengz, doeng- gvaq laeb gocwngz、dangciengz lwnh- gangj、cozdanz gangjgoj、gapdoih caezhwnq, doidoengh gak minzcuz lai nyinhdoengz aen guekcoj hungmbwk、Cunghvaz Minzcuz、Cunghvaz vwnzva、Cunghgoz Gungcanjdangj、sevei cujyi miz daegsaek Cungguek, mboujduenh doicaenh hwnqguh aen gungdungzdij Cunghvaz Minzcuz.
Aen gihci guhhong lij dwen daengz, saedhengz damqra vunqsik moq “minzcuz doxgiet+vwnzlij yungz- hab”. Nanzningz Si Minzcunghveij yaek caeuq vwnzva lijyouz bumwnz、vwnzva lijyouz hangzyez giyez, doidoengh buek vwnzva lijyouz hangzyez giyez ndeu caeuq gingjgih gingjdenj bouqlaeuj guh boiqhab cauhmoq、gapdoih caezhwnq, doi- doengh vwnzva lijyouz hangzyez giyez baengh “diemj caeuq diemj+sienq lienz sienq” mboujduenh hwngfat guhhung vwnzva lijyouz hawciengz, coicaenh vwnzva lijyouz hangzyez hwngfat.
Aen gihci guhhong yaek caenh- itbouh haeujlaeg “byaij okbae caeuq cingj haeujdaeuj” doxgyau hozdung. Gyalai danhvei caeuq danhvei、hawsingz caeuq hawsingz、gizdieg caeuq gizdieg gapdoih caezhwnq caeuq doxgyau gapguh, caezhwnq caezyungh minzcuz doxgiet baenaj cauhlaeb cwngzgoj, coihawj gak minzcuz doxcunz doxgyau doxyungz.
(Goz Saudungh Vangz Sinh- yungz Yangz Sihbingz )
编辑：黄誉琦 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com