Gaiq Daih Cibsam Daengx Guek Bajheiq Baijyienj Youq Nanzningz Guh Sat

来源：广西民族报网

发布时间：2026-08-24

8 nyied 15 hauh, Gaiq Daih Cibsam Daengx Guek Bajheiq Baijyienj youq Nanzningz guh sat, gaiq baijyienj neix youz Vwnzva Caeuq Lijyouzbu、Gvangjsih Bouxcuengh Swcigih Yinzminz Cwngfuj cawjbanh, Vwnzva Caeuq Lijyouzbu Yisuzswh、Gvangjsih Bouxcuengh Swcigih Vwnzva Caeuq Lijyouz Dingh、Nanzningz Si Yinzminz Cwngfuj、Bwzhaij Si Yinzminz Cwngfuj ciepbanh. Gaiq baijyienj neix yungh Nanzningz、Bwzhaij song singz lienzdoengh vunqsik, youq ndaw 26 ngoenz, gyoengq boux guhhong yisuz bajheiq daengx guek, aeu 8 bouh heiq bajheiq maenhndei caeuq 45 aen bajheiq、fapswd cezmuz, langhbaij gij yiengh hoenghhwd caeuq rengz cauhmoq souj cingq cauhmoq yisuz bajheiq Cungguek geij bi neix.

Roengzmuq yienjok dwg 《Dahvax Binglangz》 heiq bajheiq cauh moq Gvangjsih Cazgidonz. Heiqmoeg dawz ndei gij lizsij binglangz bonjdieg Gvangjsih, baengh daizheiq, aeu gij dinfwngz bajheiq hojguh caeuq minzcuz lwnhsaeh、Cunghvaz meijyoz cingsaenz doxyungz, caiq yienh’ok gij saeh hawj vunz gamjdoengh binglangz daihgeq bauj gya hen guek、henhoh gyaranz. Aeu bajheiq gangjok gij cingz gya guek, aeu cungj dinfwngz lingzvued gingyiemj neix yienh’ok gij fungcingz Gvangjsih naekna, yienj ciengz heiq ndeiyawj miz gizdieg daegsaek naekna ndeu hawj caezgya.

Gaiq Daih Cibsam Daengx Guek Bajheiq Baijyienj geizgan, lauxhangz miz gienzvi gizdieg bajheiq daengx guek、gyoengq boux daibyauj danhvei camgya yienjok doxcomz Bwzhaij doxyaeng. Lauxhangz camgya haihoih hopheux bajheiq cozbinj cauhmoq cauhguh、vunzcaiz gungganq、hangzyez hwngfat byaijyiengq、yienjok ancienz doengh gij vwndiz youqgaenj neix doxyaeng, vih daengx guek yisuz bajheiq hwngfat mboujduenh hwnj- mbaek lai ndei、laebdaeb cauhmoq daezhawj lijlun haeujcoengh.

Gaiq baijyienj neix 24 ciengz heiq yinx ndaej ndawbiengz bouxyawj daih’iek 2.6 fanh vunzbaez. Doeng- gvaq cenzmeizdij caez guh, aeu ciengzseiz neiyungz vuenhmoq、gwnzmuengx cigboq、cujliuz meizdij lienzdoengh cienjboq、vahdaez hoengh doigvangq daengj hingzsik guh lai yiengh cienzboq, gyoebsuenq fatbouh mizgven neiyungz mauhgvaq 1500 diuz; 12 ciengz gwnzmuengx cigboq miz 30 lai aen cujliuz meizdij caemhyamq cienjboq, soq yawj cigboq cunggvaq 1200 fanh. Yienghsaeh dawzmaenh “aeu heiq ndei minz”, doiok lai ciengz gingjgih、gwnz gai goeng’ik leih bouxminz yienjok, hawj yisuz bajheiq byaij haeuj ndwenngoenz ndawbiengz bae, langhbaij gij yinxdaeuz yisuz bajheiq hawj gyoengqvunz, hawj bouxboux caez yawj gij ndei yisuz bajheiq.

（Liuz Yi）

编辑：实习生廖小凤复审：黄慧华终审：蒙树起