Gvangjsih Okdaiz Baenzroix Banhfap Doinyoengx Aen Fap Coicaenh Minzcuz Doxgiet Baenaj Doek Dieg Raenhamq

来源：广西民族报网

发布时间：2026-08-20

Mboengqneix, Swcigih Dangjveij Dungjcanbu daengj haj bouhmonz doxcaez yaenqfat 《Gij Fueng’anq Hong Hagsib Senhconz Gvancez Aen Fap Coicaenh Minzcuz Doxgiet Baenaj》, daezok seiq aen fuengmienh 16 hangh banhfap, mingzdingh aeu couqmaenh gij eiqsik Cunghvaz Minzcuz ranz vunz ndeu guh sienqmeh, haeujlaeg doicaenh hong hagsib senhconz gvancez aen fap coicaenh minzcuz doxgiet baenaj.

Faen caengz faen loih ca hagsib beizyin. 《Fueng’anq》 daezok, aeu aen fap coicaenh minzcuz doxgiet baenaj gvihaeuj “haj gouj” bujfaz、dangjveij lijlun hagsib cunghsinhcuj hagsib caeuq ganbu hag fap lwnh fap gaujbingz bae, gvihaeuj gak gaep dangjyau（hingzcwng yozyen）、ganbu yozyen cujdij banhsw、dangsaeh beizyin daengj dangzgoq aeu hag bae, gvihaeuj ganbu vangjloz yozyen gwnz muengx hagsib dangzgoq cungdenj bae, guhbaenz daengx gih dangjcwng ganbu gyauyuz beizyin cw doh; caemhyamq gyaak gihcwngz dungjcan、cunh(segih)“song veij” ganbu、vangjgwzyenz、doihguhhong cap mbanj、bouxgagnyienh bujfaz、bouxmingzbeg faplwd cienhangh beizyin, daezswng gij rengz ciuqfap ceihleix hongsaeh minzcuz.

Cenzmeizdij cw doh ca senhconz gyauyuz. Gyaak rengz gejdoeg aen fap coicaenh minzcuz doxgiet baenaj, cujciz lauxhangz raiz faenzcieng gejdoeg, lienzdoengh gak gaep meizdij hailaeb cienlanz、fatbouh sibinz dinj caeuq doxgaiq faenzcauh; haeujlaeg gihgvanh、hagdangz、segih daengj guh senhgyangj miz daegsaek, giethab aen singhgiz senhconz fapguek、aen ndwen senhconz minzcuz doxgiet guh doengh gij yienghsaeh dap cihsiz doxsaiq、fapceih youzsuen neix, doinyoengx faplwd yungzhaeuj ndwenngoenz ngoenznaengz bae.

Cibcukcib ca doekguh. Aeu caezhwnq caezyungh suenranz caez- caemh Cunghvaz Minzcuz、suenranz vuenyungz doengzcaez fouqminz、suenranz huzndei henmuengh dox- bang、suenranz gyaeundei ndeiyouq ndaejgyaeu、suenranz henzguek bingzan onjdingh “haj aen suenranz” gensez guh daeuz ca ndei doekguh. Doinyoengx hwnqguh gih guhyiengh couqmaenh gij eiqsik Cunghvaz Minzcuz ranz vunz ndeu byaij laeg byaij saed.

Doiqbiu doiqseiz ca fapceih gensez. Fueng’anq mingzdingh, doiq- biu faplwd iugouz, gyavaiq 《Aen Diuzlaeh Hwnqguh Gih Guhyiengh Couqmaenh Gij Eiqsik Cunghvaz Minzcuz Ranz Vunz Ndeu Gvangjsih Bouxcuengh Swcigih》 laebfap, gaenx- maenx onjdangq diuzcingj guhndei minzcuz cwngcwz fapgvi, mboujduenh guhcaez aen dijhi minzcuz cwngcwz fapgvi. Caemhcaiq aeu faplwd saed- hengz cingzgvang gvihaeuj fapceih gaujhaed caeuq gamduk bae, bauj- maenh faplwd doek dieg raenhamq.

（Hoz Mingzvaz Yauz Wnhmingz）

编辑：实习生廖小凤复审：黄慧华终审：蒙树起