来源：广西民族报网
发布时间：2026-08-18
Deng bineix daih 10 hauh rumzhwx “Meijsahgwz” yingjyangj, gih raeuz mbangj dieg roengz fwn hung fwnraq, miz raemxrongz hung, yingjyangj daengz ginghci sevei hwngfat caeuq vunzlai swnghcanj swnghhoz lailai. Vih nyinhcaen doekguh gij cingsaenz cijsi youqgaenj Siz Ginbingz cungjsuhgi guh’ok de, 7 nyied 7 hauh, Cunghyangh Cujcizbu daj ndaw ngaenzdangj lawh cungh- yangh guenjleix de gaenjgip bued ngaenzcienz cienmonz hawj Gvangjsih haeujcoengh hong fuengz raemxdumh ciengjyiemj gouqcai. Ginggvaq Swcigih Dangjveij doengzeiq, Swcigih Dangjveij Cujcizbu aeu gij ngaenz- dangj Cunghyangh Cujcizbu bued de, caeuq boiqdauq gij ngaenzdangj lawh Swcigih Dangjveij guenjleix de gungh 6000 fanh maenz, bued bae haeujcoengh hong fuengz raemxdumh ciengjyiemj gouqcai Nanzningz、Fangzcwngzgangj、Gveigangj daengj aen si laeb gih, caemhcaiq yaenqfat dunghcih daezok mizgven iugouz.
Dunghcih vixok, bit ngaenzdangj neix lailai yienh’ok Dangjcunghyangh aeu Siz Ginbingz dungzci guh goek de lai yawjnaek hong Gvangjsih, gvansim gihcwngz dangjcujciz caeuq gyoengq dangjyenz、ganbu、vunzlai gih raeuz haenqguh youq itsienq ciengjyiemj gouqcai de. Dunghcih dinghmingz, bit ngaenzdangj neix cujyau yungh youq camnai gihcwngz dangjyenz、ganbu caeuq vunzlai haenqguh youq fuengz raemxdumh ciengjyiemj gouqcai daih- it sienq, camnai dangjyenz、vunzlai aenvih deng cainanh haenq ndwenngoenz gvaq hoj; coih gihcwngz dangjyenz gyauyuz sezsih aenvih cainanh deng vaih de. Gak dieg aeu giethab saedsaeh daj ndaw bonjgaep ngaenzdangj lawhguenj de doeksaed ngaenzcienz boiqdauq, gibseiz bued daengz gihcwngz, yungh daengz hong fuengz raemxdumh ciengjyiemj gouqcai, guh daengz gaiq ngaenz cienmonz aeu cienmonz yungh.
(daj 《Gvangjsih Yizbau》 aeu daeuj hoiz Couh Yuzyij)
编辑：实习生 廖小凤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com