来源：广西民族报网
发布时间：2026-08-18
Mboengqneix, “Boidoengzsim” couqmaenh gij eiqsik Cunghvaz Minzcuz ranz vunz ndeu daengx guek bozvuzgvanj bouxgangjgej doxdax youq Baekging guh.
Baez doxdax neix cawjdaez dwg “faenzmeg ciep bienmoq doengzsim coh cograwz”, dwg daengx guek aen daih’it doxdax ciennieb gangjgej vwnzboz gaep guekgya aeu couqmaenh gij eiqsik Cunghvaz Minzcuz ranz vunz ndeu guh sienqmeh, gaemdawz aen yenzcwz guh doxdax “baengh saiq couq hoenz、baengh saiq comz rengz、baengh saiq muz ceiq”, comz daengx guek gak swngj（swcigih、si） caeuq Sinhgyangh Swnghcanj Gensez Binghdonz 70 lai boux bouxgangjgej maenhndei caemhdaiz doxdax. Gyoengq boux camgya doxdax baengh gij doxgaiq bozvuzgvanj souyo, lwnhgangj gij lizsij hwngfat Cunghvaz Minzcuz ranz vunz ndeu, langhbaij aen buenz Cunghvaz vwnzmingz lai yiengh gap aen, haeujlaeg lwnhgangj aen leixniemh doxcaemh “seiq aen caezcaemh”. Ginggvaq lai lwnz doxdax, doxdax doeklaeng bingz ok it、ngeih、sam daengjciengj gak 10 boux, ciengj maenhndei 41 boux.
Gvangjsih boux senjsouj camgya doxdax lailai langhbaij gij yiengh ndei caeuq ciennieb suyangj bouxguhhong vwnzboz Gvangjsih, Swcigih Bozvuzgvanj Siuh Siuh ndaej sam daengjciengj, Gvangjsih Minzcuz Bozvuzgvanj Cinz Dingz ndaej ciengj maenhndei. Song boux senjsouj yungh ndei gij vwnzvuz minzcuz caeuq lizsij swhyenz lai Gvangjsih, doenggvaq lwnhgangj langhbaij gij saedguh Gvangjsih gak minzcuz doxbyaij doxgyau doxyungz, gangj ndei gij gojgaeq minzcuz doxgiet gih raeuz.
Ciuq cam rox, Guekgya Minzveij、Guekgya Vwnzvuzgiz yaek yungh ndei baez doxdax neix, hwnqlaeb aen gihci ciengzseiz “baengh saiq coi lienh、baengh lienh coi hwnq”, laebdaeb baengh aen dieg bozvuzgvanj vatcimh gij lizsij neihanz gak minzcuz doxyungz, ciengzseiz guh gij eiqsik Cunghvaz Minzcuz ranz vunz ndeu senhconz gyauyuz.
（Hoz Sangenz Veiz Yiz）
编辑：实习生 廖小凤 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com