来源：广西民族报网
发布时间：2026-07-09
Mboengqneix, heiqdinj 《Gou Youq Ciuhgeq Guh Canghywsaenz》 coh Dunghmungz cienzboq haenx youq Nanzningz cingqsik hai gih ingj, bouh heiq neix dwg Gvangjsih bouh nduj heiqdinj Cunghyihyoz, hix dwg aen hanghmoeg cungdenj haeujcoengh “heiqdinj+vwnzlij” Swcigih Gvangjbo Densi Giz, hopheux gij yw minzcuz Gvangjsih cienzswnj caeuq doiqrog cienzboq, aeu gaiq yingjsi dinj iq neix gangj ndei gij goj minzcuz Cunghyihyoz.
Bouh heiq neix yungh cungj fuengfap lwnhgangj daj geq daengz neix, baengh “Gveiswngh” bouxcoz canghyw ndaw ranz daih cienz daih neix, roix gij megloh cienzswnj gij yw minzcuz Gvangjsih cien bi hwnjdaeuj, yienh’ok fap maecit Ywcuengh、dajcaemx yw Yauzcuz、fap duzbing ndoet doengh gij guekgya gaep caeuq swcigih gaep fap yw feihyiz miz daegsaek neix. Gicuj baengh gij swhyenz yinzvwnz bya dah Gvangjsih daegbied gagmiz, bae lai dieg daengzdieg goepingj. Caemhcaiq, bouhheiq miz lauxcangh gozyih、aen doih lauxhangz Cunghyih mizmingz daengx guek sonyinx saemjhaed liuxliux, gaemhanh ndei gij cihsiz yw caeuq fuengfap yw.
Bouh heiq neix youz Swcigih Gvangjbo Densi Giz、Swcigih Cunghyihyoz Giz sonyinx, Gvangjsih Yizbau Conzmeiz Cizdonz、Gvangjsih Haijswh Vwnzva Gyauhliuz Gihginh- vei、Gvangjsih Gozci Ywcuengh Yihyen、Gvangjsih Cunghyihyoz Dayoz Daih’it Fusuz Yihyen daengj lai aen danhvei caez ok. Baezneix cujliuz meizdij gyahaeuj diuz roen heiqdinj neix, dajcauh vunqsik moq “meizdij+feihyiz+vwnzlij+gozci cienzboq”, dwg Gvangjsih cauhmoq doiqrog cienzboq damqra moq. Bouh heiq neix yaek youq aen bingzdaiz sibinz dinj ndaw guek boq okdaeuj, caemhcaiq doenggvaq lai loh vah hoizguh、 hab- wngq bonjdieg, douzcuengq daengz bingzdaiz sinhmeizdij Dunghmungz lai guek bae.(Liuj Swhyij Linz Genh)
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com