Cinz Gangh Veiz Dauh Raen Gih Raeuz Boux Daibyauj Ndaej Daengx Guek “Song Ndei It Sien” Byaujcangh

来源：广西民族报网

发布时间：2026-07-09

7 nyied 2 hauh, Swcigih Dangjveij Suhgi、Swcigih Yinzda Cangzveijvei cujyin Cinz Gangh, Swcigih Dangjveij fusuhgi、Swcigih cujsiz Veiz Dauh youq Nanzningz raen doengh boux daibyauj daengx guek gungcanjdangjyenz maenhndei、daengx guek bouxguhhong dangjvu maenhndei caeuq daengx guek gihcwngz dangjcujciz senhcin gih raeuz ndaej byaujcangh dawz mingz- daeuz dauqma de caemhcaiq hab’ingj.

Cinz Gangh、Veiz Dauh daibyauj Swcigih Dangjveij、Cwngfuj cukhoh aen cizdij senhcin caeuq bouxvunz ndaej byaujcangh de. Cinz Gangh naeuz, youq mwh Cunghgoz Gungcanjdangj laebbaenz 105 hopbi, Siz Ginbingz cungjsuhgi fatciengj hawj doengh boux daibyauj daengx guek “song ndei it sien” ndaej byaujcangh de, lailai yienh’ok le Dangj- cunghyangh aeu Siz Ginbingz dungzci guh goek de gvansim gyoengq dangjyenz caeuq gihcwngz dangj- cujciz. Daihgya youq Baekging ndaej Dangjcunghyangh byaujcangh, neix mboujdan dwg gyoengqsou bouxvunz miznaj, hix dwg daengx gih gyoengq dangjyenz caeuq gak gaep dangjcujciz caemh miznaj. Maqmuengh daihgya insik mingzdaeuz、fatyiengz cingzcik、laebdaeb roengzrengz, ok rengz lai hung coengh hwnqguh aen Gvangjsih maenghndei seizdaih moq. Maq- muengh daengx gih gyoengq dangjyenz caeuq gak gaep dangjcujciz haeujlaeg doekguh aen swhsiengj laebdangj Siz Ginbingz, doekguh gij cingsaenz gangjvah youqgaenj Siz Ginbingz cungjsuhgi youq Aen Hoih Angqhoh Cunghgoz Gungcanjdangj Laebbaenz 105 Hopbi caeuq gij iugouz youqgaenj gvendaengz lwnh- gangj hong Gvangjsih, haenqrengz fatyiengz gij cingsaenz laebdangj hungmbwk, laeb caeuq guh aen cwngcizgvanh cinjdeng, hag senhcin、cengguh senhcin, haenqrengz bae guh gaiq Gvangjsih gij yendaiva yiengh Cungguek.

Swcigih lingjdauj Cinz Yizginh、Vangz Sinhfu、Couh Yigez camgya. Ciuq cam rox, youq mwh angqhoh Cunghgoz Gungcanjdangj laebbaenz 105 hopbi, gih raeuz gungh miz 4 boux daengx guek gungcanjdangjyenz maenhndei、4 boux daengx guek bouxguhhong dangjvu maenhndei caeuq 12 aen daengx guek gihcwngz dangjcujciz senhcin ndaej byaujcangh.

(daj 《Gvangjsih Yizbau》 aeu daeuj hoiz Loz Canghlieng)

编辑：实习生韦婷萱复审：黄慧华终审：蒙树起