Lai Mbiengj Dazfwngz Hwnqguh Gvangjsih Denhyenz Yozvuz Yenzgiuyen

来源：广西民族报网

发布时间：2026-07-09

Gvangjsih Bouxcuengh Swcigih Gohgidingh caeuq Cunghgoz Yihyoz Gohyozyen Yozvuz Yenzgiusoj、Gvangjsih Cunghyihyoz Dayoz mboengqneix ciemdingh 《Aen Hezyi Gvaenghgaq Doxgap Caezhwnq Gvangjsih Denhyenz Yozvuz Yenz- giuyen》, sam mbiengj yaek caezhwnq Gvangjsih Denhyenz Yozvuz Yenzgiuyen.

Gvangjsih gaiq yw doengh lai, gwnz dieg ndaw haij gaiq baenz yw soq youq daengx guek baihnaj. Gvangjsih Bouxcuengh Swcigih Dangjveij、Cwngfuj dinghmingz aeu gaiq yw doenghgo doenghduz caeuq gij canjnieb cangqheiq dang baenz “Cibhaj Haj” hangzdajcauh cib aen canjnieb lingxdaeuz yendaiva, gaenxmaenx dajcauh diuzlienh gung- wngq gaiq yw miz daegsaek Gvangjsih、swnghvuz cauhguh caeuq diuz lienh canjnieb cangqheiq, hwnqguh aen dieg cauhguh gaiq yw doenghgo doenghduz youqgaenj najcoh Dungh- mungz, doinyoengx gij canjnieb gaiq yw doenghgo doenghduz Gvangjsih hwngfat ndei saed.

Vih lai cuengq gij rengzndumj swhyenz、gaemdawz seizgei, hezyi gak mbiengj yaengdingh, hopheux gijndei swhyenz Gvangjsih caeuq canjnieb hwngfat aeuyungh, baengh Cunghgoz Yihyoz Gohyozyen Yozvuz Yenzgiusoj miz gijndei yw dienyienz、cauhmoq yenzfat yw、gungganq vunzcaiz daengj, caezhwnq Gvangjsih Denhyenz Yozvuz Yenzgiuyen, cauhlaeb aen dijhi moq yenzfat yw gyaepdoengh soqgawq, haiguh vatcimh swhyenz、yawjraen yungh lix、baez ngeih haifat ywdoj caeuq yenzfat yw moq daengx diuz lienhdiuz cauhmoq, gunggvan gij dinfwngz youqgaenj doxcaemh canjnieb yw dienyienz Gvangjsih, daplaeb aen bingzdaiz cienjvaq gij guhbaenz caeuq bienq canjnieb, gung gohgi haedsim dingjcengj caeuq cauhmoq dazyinx hawj gij canjnieb gaiq yw doenghgo doenghduz Gvangjsih.

Ciuq gaisau, Swcigih Gohgidingh yaek dungjcouz swhyenz gizgiz haeujcoengh hwnqguh yenzgiuyen; Cunghgoz Yihyoz Gohyozyen Yozvuz Yenzgiusoj yaek doinyoengx vunzcaiz、dinfwngz caeuq cwngzgoj capyouq doek dieg; Gvangjsih Cunghyihyoz Dayoz yaek dawz mbaqrap daeuz, guh ndei hong hwnqguh baujcang, baujmaenh yenzgiuyen guh ndaej baenz.（Nungz Gvanbinh）

编辑：实习生韦婷萱复审：黄慧华终审：蒙树起