Gvangjsih Hainduj Gij Yienghsaeh Cienmonz Senhgyangj Couqmaenh Gij Eiqsik Cunghvaz Minzcuz Ranz Vunz Ndeu

来源：广西民族报网

发布时间：2026-07-09

Mboengqneix, Swcigih Dangjveij Senhconzbu、Swcigih Dangjveij Gyangjswhdonz gyausou（lauxhangz） daegbied iucingj, bae daengz Gveilinz Si Siengsanh Gih、Bwzswz Si Denzdungh Yen、Hocouh Si Gveibingz Gih、Hozciz Si Ginhcwngzgyangh Gih, caeuq Gvangjsih Gozgung Swhbwnj Yinhyingz Cizdonz Youjhan Gungh- swh, hainduj cienmonz senhgyangj couqmaenh gij eiqsik Cunghvaz Minzcuz ranz vunz ndeu.

Gij eiqsik Cunghvaz Minzcuz ranz vunz ndeu dwg gij giek guekgya doengjit、gij rag minzcuz doxgiet、gij hoenz rengz cingsaenz. Baezneix senhgyangj hopheux doekguh gij swhsiengj youqgaenj gyaak caeuq gaijndei hong minzcuz Siz Ginbingz cungjsuhgi, laegdaeuq cingjleix gij lizsij yienjbienq Cunghvaz Minzcuz lai yiengh caemh aen, baenzroix gejdoeg gij eiqsei aen lijlun Cunghvaz Minzcuz ranz vunz ndeu, cungjgez gij cwngzgoj hwngfat hong minzcuz dangj seizdaih moq doenghbaez caengz miz gvaq, lwnhgangj gij seizdaih gyaciz couqmaenh gij eiqsik Cunghvaz Minzcuz ranz vunz ndeu, cuknet aen goekgaen swhsiengj doinyoengx gij saehnieb minzcuz doxgiet baenaj seizdaih moq hwngfat ndei saed.

Mwh senhgyangj, gyoengq boux gyausou（lauxhangz） aeu senhgyangj cawjdaez caeuq Gvangjsih netsaed doihaeuj hwnqguh aen gih guhyiengh couqmaenh gij eiqsik Cunghvaz Minzcuz ranz vunz ndeu dox giethab, sonyinx gyoengq dangjyenz ganbu daengx gih gaemmaenh diuz sienqmeh couqmaenh gij eiqsik Cunghvaz Minzcuz ranz vunz ndeu neix, depgyawj daihbuenz、yungzhaeuj daihbuenz、fugsaeh daihbuenz, ok goengrengz Gvangjsih coengh hwnqguh aen guek ak、gij saehnieb hungmbwk minzcuz fukhwng.

Dingq senhgyangj baugau le, caezgya cungj naeuz yaek laebdin gaiq hong bonjfaenh, netsaed doihaeuj gak loh hong minzcuz doxgiet. Hocouh Si Bingzgvei Gih Dabingz Yauzcuz Yangh boux ganbu guh hong senhconz Yangz Gyahminj naeuz, yaek baengh cin、cunh song dieg, ciengzseiz guh minzcuz doxgiet senhconz gyauyuz caeuq lijlun senhgyangj, giethab minzcuz yangh saedsaeh, yungz gij eiqsik ranz vunz ndeu haeuj gij hongsaeh ndaw mbanj ngoenznaengz caeuq fugsaeh gijgwn gijdaenj gijyouq bouxminz bae, coihaeuj gak minzcuz doxbyaij doxgyau doxyungz, cuknet gij goekgaen minzcuz doxgiet gihcwngz.

(daj 《Gvangjsih Yizbau》 aeu daeuj hoiz Vuj Yungjci)

编辑：实习生韦婷萱复审：黄慧华终审：蒙树起