Siz Ginbingz Doiq Ciengzseiz Guh Ndei Hong Baihdoeng Baihsae Doxgap Guh’ok Cijsi Youqgaenj

来源：广西民族报网

发布时间：2026-07-08

Sinhvazse Baekging 6 nyied 17 hauh dienh Cunghgung Cunghyangh cungjsuhgi、guekgya cujsiz、Cungh- yangh Ginhveij cujsiz Siz Ginbingz mboengqneix doiq ciengzseiz guh ndei hong baihdoeng baihsae doxgap guh- ok cijsi youqgaenj vixok, baihdoeng baihsae doxgap guh 30 bi doxdaeuj, youq doengh gij fuengmienh bang- rengz vutgungz gunghoj、coihaeuj gizdieg boiqhab hwngfat miz yungh lai, yienh’ok gijndei cwngci dangj raeuz caeuq gijndei aen cidu sevei cujyi guek raeuz.

Siz Ginbingz daegbied gangj daengz, bineix dwg bi haidaeuz “Cibhaj Haj”, hix dwg bi daih’it guh ciengzseiz bangfuz. Aeu cungjgez yungh gij gingniemh ndei Fuzgen Ningzya doxgap daengj, lai guhndei aen gihci doxgap, guhndei fuengsik doxgap, gya’gvangq gizdieg doxgap, doinyoengx baihdoeng baihsae canjnieb doxbouj、vunz dox baedauq、dinfwngz doxhag、yawjfap doxdoeng、cozfungh doxhag, guhbaenz caez leih caez hingz、caezcaemh hwngfat. Gak gaep dangjveij caeuq cwngfuj aeu nyinhcaen doekguh mbaqrap ciengzseiz bangfuz, dingjguh soujmaenh mbouj hawj miz daihbaj vunz bienq gungz dauq, netsaed doihaeuj guhhoengh lajmbanj liuxliux, mboujduenh gyaak gizdieg hwngfat dox boiqhab, doinyoengx daengxcungq bouxminz caezcaemh baenzmiz hamjok yamqdin maenh- saed.

Aen Hoih Hong Baihdoeng Baihsae Doxgap 17 hauh youq Ningzya Yinzconh hai. Gwnz hoih cienz gij cijsi youqgaenj Siz Ginbingz. Cunghgung Cunghyangh Cwngcigiz veijyenz、Gozvuyen fucungjlij Liuz Gozcungh camgya aen hoih caemhcaiq gangjvah. De daegbied gangj daengz, Siz Ginbingz cungjsuhgi cijsi youqgaenj yawj ndaej gyae、 gangj ndaej laeg, miz cwngci、miz swhsiengj、miz sonyinx lai, bang ciengzseiz guh ndei baihdoeng baihsae doxgap daezhawj gij ciuqei gaenbonj, aeu haeujlaeg hag rox、dawzdingh doekguh. Aeu itloh rap maenh mbaqrap cwngci, laebmaenh caeuq hengzguh aen cwngcizgvanh cinjdeng, cungjgez yungh gij gingniemh ndei Fuzgen Ningzya doxgap daengj, guhlaeg baihdoeng baihsae canjnieb doxgap、hongsaeh guhhong doxgap, gyaak ganbu vunzcaiz doxgyau, gya’gvangq gohgi、ginhyungz daengj doxgap, ciuq saed dingh geiq bae guhhong, laebdaeb hawj doxgap lai raenhamq, coihaeuj gijndei doxbouj、song mbiengj hawjrengz、caezcaemh hwngfat.

Gwnz hoih bauqlwnh le mizgven cingzgvang hong baihdoeng baihsae doxgap. Ningzya Veizcuz Swcigih、Fuzgen Swngj fucwz dungzci faenbied gaisau gij guhfap gingniemh Fuzgen Ningzya doxgap, Bwzgingh Si、Sanghaij Si、Gyanghsuh Swngj、Gvangjdungh Swngj、Swconh Swngj、Ganhsuz Swngj fucwz dungzci youq gwnz hoih gangjvah.

Mizgven swngj gih si fucwz dungzci rapdawz hong baihdoeng baihsae doxgap, Cunghyangh Nungz- cunh Gunghcoz Lingjdauj Siujcuj mbangj cwngzyenz danhvei fucwz dungzci daengj camgya hai hoih.

编辑：实习生韦婷萱复审：黄慧华终审：蒙树起