来源：广西民族报网
发布时间：2026-07-08
Mboengqneix, Guekgya Cunghyozcaiz Byauhcunjva Caeuq Cizlieng Bingzguj Cauhmoq Lenzmungz goengbouh bi 2026 yw cingqcaen “it yienh it yiengh” mingzdan, batgak Fungsanh ndaej senjhaeuj, dwg aen binjcungj dandog Gvangjsih ndaej aen mingzdaeuz neix.
Ciuq cam rox, daengx guek yw cingqcaen “it yienh it yiengh” bingzdingh hopheux cingqcaen dinghlaeb、caetliengh hanh ndaej、canjyez gveihmoz、binjbaiz yingjyangj seiq fuengmienh, ginggvaq lauxhangz baenz caengz baenz caengz senjleh, daengx guek dan 64 aen binjcungj senjhaeuj. Batgak Fungsanh miz baenz bak lai bi lizsij, ciuq 《Fungsanh Yenci》 geiqloeg, dangdieg ndaem batgak ndaej ra goek daengz seiz Mingz Cingh, Cinghdaih satbyai Minzgoz cogeiz gaenq miz bouq cienmonz gai batgak caeuq gyagoeng doxgaiq, ngeihcib sigij roek caetcib nienzdaih, batgak baenz gaiq doxgaiq ndei Fungsanh, bi 1967 hainduj baenz buek gai bae Dunghnanzya guekgya, seizneix engq dwg aen canjyez miz daegsaek guhhoengh lajmbanj.
Seizneix, batgak Fungsanh ndaem miz 16 fanh moux, nanangq 10 aen yanghcin, 13 fanh vunzlai ndaej ndei. Bi 2025 baenz mak 7300 dunh, canjyez gveihmoz onjyamq gyalai. Batgak Fungsanh gonqlaeng senjhaeuj Gvangjsih “Gveiq cib feih”、Hozciz “Hoz bet feih”, dieg ndaem de ndaej nyinhcingq baenz “gaiqgwn saekheu” guekgya.
Baengh dieg ndei bya lai Fungsanh, batgak Fungsanh dwg vunz senj ndaem、caih youq doengh maj, faex batgak geq dingzlai ndaej baenz bak bi, mak baenz le vunz bae mbaet ma dak ndit hawq, yiengh ndei mak ndei, ginggvaq giemqdingh hab guekgya doxgaiq reihnaz mizmingz miz daegsaek miz gijndei byauhcunj. Yamqlaeng, Fungsanh yaek laebdaeb gya- gvangq diuzroen gai, doinyoengx batgak Fungsanh byaij coh daengx guek、hawciengz mizmingz, coenghrengz guhhoengh lajmbanj lai ndei lai ak.
(Lungz Lungz Yaz Hanzliengz)
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com