来源：广西民族报网
发布时间：2026-07-08
Sinhvazse Baekging 5 nyied 31 hauh dienh Youq mwh ciet lwgnyez gozci “roek it” yaek daeuj daengz, Cunghgung Cunghyangh cungjsuhgi、guekgya cujsiz、Cunghyangh Ginhveij cujsiz Siz Ginbingz hoizsaenq hawj bouxgejgangj hungzlingjginh sausenh- dui Cunghgung It Daih Gijnen’gvanj、Nanzhuz Gwzming Gijnen’gvanj, caenciet gienqmienx gyoengqde, caemhcaiq hoh gyoengqde caeuq daengx guek lwgnyez ngoenzciet angqyangz.
Siz Ginbingz youq ndaw hoizsaenq gangj, ndaej rox gyoengqsou youq henz dieggaeuq It Daih caeuq ruzhoengz Nanzhuz, yungh sim yungh cingz gangj gij lizsij aen dangj、gij gojgaeq gwzming caeuq gij saeh yinghyungz aen dangj, ganq gij cingz gyaez dangj、gyaez guek、gyaez sevei cujyi, ndaej daengz muzlienh caeuq hungmaj, gou roxnyinh vuenheij.
Siz Ginbingz daegbied gangj daengz, bineix dwg Cunghgoz Gungcanjdangj laebbaenz 105 hopbi, gij saehnieb aen dangj aeu miz vunz daih dam daih lienzdaemh buekguh. Maqmuengh gyoengqsou yaengx sang fan geiz caeuq dangj byaij, ciepswnj gij gihyinh saekhoengz, lai rox sawsa, muzlienh bonjfaenh, guh boux lwgnyez ndei dangj caeuq bouxminz, youq gwnz roen moq doxciep ndei bae.
2021 nienz, aen yienghsaeh sawq guh “gij goj aen dangj gou daeuj gangj ——ceng guh bouxgejgangj hungzlingjginh” cingqsik guh, gak dieg cujciz sausenhduiyenz byaij haeuj doengh aen ciengzguenj saekhoengz bae hagsib gij lizsij aen dangj、 gejgangj goj dangj raeuz. Mboengqneix, doengh boux daibyauj bouxgejgangj hungzlingjginh sausenh- dui Sanghaij Cunghgung It Daih Gijnen’gvanj、Cezgyangh Gyahhingh Nanzhuz Gwzming Gijnen’gvanj raiz saenq hawj Siz Ginbingz cungjsuhgi, lwnhgangj gij soundaej caeuq majhung camgya yienghsaeh gejgangj, gangjok aen sim ceng guh boux lwgnyez ndei seizdaih moq.
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com