Gaiq Daihhaj Couqmaenh Gij Eiqsik Cunghvaz Minzcuz Ranz Vunz Ndeu Yenzgiu Lundanz Youq Cwngzduh Banh

来源：广西民族报网

发布时间：2026-07-08

5 nyied 23 hauh, Gaiq Daihhaj Couqmaenh Gij Eiqsik Cunghvaz Minzcuz Ranz Vunz Ndeu Yenzgiu Lundanz youq Swconh Cwngzduh banh, lundanz hopheux aen cawjdaez “doekguh aen fap coihaeuj minzcuz doxgiet baenaj, doihaeuj hwnqguh Cunghvaz Minzcuz ranz vunz ndeu” bae yaenglwnh.

Lundanz daegbied gangj daengz, aen fap coihaeuj minzcuz doxgiet baenaj haeujlaeg doekguh gij swhsiengj youqgaenj mizgven gyaak caeuq gaijndei hong minzcuz Siz Ginbingz cungjsuhgi caeuq gij anbaiz baijbouh Dangjcunghyangh, laebdin gij fuengvih lizsij hong minzcuz aen dangj seizdaih moq, cienzmienh doekguh yenfaz gvidingh、yenzcwz caeuq cingsaenz, doenggvaq guekgya laebfap aeu gij lijlun youqgaenj caeuq saedguh guhbaenz aen dangj youq ndaw hong minzcuz aeundaej de cienjvaq baenz guekgya eiqceiq, roengz giek maenhsaed hawj couq- maenh gij eiqsik Cunghvaz Minzcuz ranz vunz ndeu、doihaeuj hwnqguh Cunghvaz Minzcuz ranz vunz ndeu. Gak gihdi caeuq gyoengq boux lauxhangz yozcej aeu dawzdingh “song aen laebdingh”、 guh daengz “song aen henhoh”, lai rox dingh aen fap coihaeuj minzcuz doxgiet baenaj dwg gij hong cwngci caeuq hong laebfap youqgaenj Dangjcunghyangh aeu Siz Ginbingz guh goek de baijbouh, cietsaed aeu swhsiengj caeuq hengzdoengh gyonj daengz Dangjcunghyangh anbaiz baijbouh bae.

Lundanz vixok, gak yenzgiu gihdi caeuq gyoengq boux lauxhangz yozcej aeu haeujlaeg yenzgiu lwnhgangj gij yiyi youqgaenj dingh aen fap coihaeuj minzcuz doxgiet baenaj、laebfap swhsiengj cijdauj、yenzcwz youqgaenj caeuq faplwd cujyau neiyungz, vih hag caeuq doekguh gunghawj lijlun baujcang. Aeu haenqrengz fatyiengz gij hagfung Majgwzswh cujyi lijlun lienzhaeh saedguh, aeu hagleix lwnhgangj hawjrengz fapceih saedguh, bangrengz laebndei laebcaez aen dijhi minzcuz cwngcwz fapgvi, bangrengz guhlaeg bujfaz senhconz gyauyuz, bangrengz guhndei faplwd hengzguh cidu gihci, ok dungxcaiz ok rengz youq gwnz roen fapceih doinyoengx hong minzcuz hwngfat ndei saed.

Gaiq lundanz neix youz Cunghyangh Dungjcanbu、Cungh- yangh Senhconzbu、Gyauyuzbu、Guekgya Minzveij mizgven yezvu cijdauj danhvei cawjbanh, Swconh Dayoz Aen Gihdi Yenzgiu Couqmaenh Gij Eiqsik Cunghvaz Minzcuz Ranz Vunz Ndeu、Swconh Swngj Minz- cunghveij ciepbanh.

(daj Guekgya Minzveij Vangj aeu daeuj genj hoiz)

编辑：实习生韦婷萱复审：黄慧华终审：蒙树起