Nanzningz Si Lai OK Rengz Hawj Gak Cuz Bouxcoz Nyezrauh Doxbyaij Doxgyau Doxyungz

来源：广西民族报网

发布时间：2026-07-08

Bineix doxdaeuj, Nanzningz Si aeu couqmaenh gij eiqsik Cunghvaz Minzcuz ranz vunz ndeu guh sienqmeh, youq ndawhag, baengh gwnz muengx lajbiengz, guh gij yienghsaeh “gak cuz bouxcoz nyezrauh doxgyau dajveh·Gveiq cingq hengzdoengh”, laebdaeb doihaeuj gak cuz bouxcoz nyezrauh ciengzseiz doxbyaij doxgyau doxyungz.

Guh gij yienghsaeh fugsaeh vwnzva bouxcoz nyezrauh couqmaenh gij eiqsik Cunghvaz Minzcuz ranz vunz ndeu, doenggvaq cawjdaez senhgyangj caeuq yawj gij denyingj gyaez guek dox giethab, daplaeb aen bingzdaiz doxgyau majhung miz gij cingz gyaez guek gyaez ranz. Seizneix, Nanzningz Si Binhhuzlu Siujyoz daengj 9 aen hagdangz gaenq cuengq denyingj goeng’ik gvaq. Baengh seiz “sam nyied sam”, daengx si gak cungh siujyoz lai guh gij yienghsaeh angqhoh ngoenzciet “Betgveiq ndawhag lwgloux nding caemhsim caezhwnq aen loqsiengj Cungguek”, doenggvaq gofoux、conzdungj dijyuz doxdax doengh gij saeh neix, dazyinx bouxcoz nyezrauh youq mwh doxhag vwnzva gyalai nyinhdoengz cingzgamj.

Dawzmaenh “cingj haeujdaeuj” comz rengz, guh “caemhsim coh guekcoj·hauxseng cauh cograwz” bi 2026 Gveiq Gangj Au Daiz bouxcoz nyezrauh doxgyau dajveh, bak lai boux lwghag Yanghgangj doxcomz Nanzningz, doenggvaq caez swng mbaw gozgiz ndeu、caez ciengq souj go ndeu、caez hwnj dangz goqswhcwng ndeu、caez yungh ciengz feihyiz ndeu、caez guhcaemz loh yindung ndeu、caez youz dieg ndeu、caez banh baez faenyiengj ndeu “caet aen it” dajniemh, dazyinx bouxcoz nyezrauh laeb aen gvanhnen Cunghvaz Minzcuz ranz vunz ndeu. Aen doxgyau dajveh neix gaenq laebdaeb guh roek bi. Dawzmaenh “byaij okbae” lai gya- gvangq, Nanzningz Si Youzcwng Gvaidi Donzgunghveij senj 10 boux lwg boux soengq gvaidi bae Yanghgangj camgya “caezhoz gap rengz caezcauh ngoenzcog”——Gij yienghsaeh Gveiq Gangj bouxcoz nyezrauh song mbiengj doxgyau caeuq gij yienghsaeh yingz caemhsim bouxcoz nyezrauh gak cuz Gvangjsih, gyalai Gveiq Gangj song dieg bouxcoz nyezrauh doxrox, gyaak roxnyinh minzcuz miznaj caeuq gij cingz gyaez guek gyaez ranz.

Laebdaeb guh ndei gij yiengh- saeh doxgyau hamj gizdieg、dieg henzguek、singzmbanj gak cuz bouxcoz nyezrauh “vasigloux hai ranz vunz ndeu”“sawsaenq fwngz doxdaz”“seiq doengz hwnq caemhsim·caezveh gienj doxgiet” daengj, baengh “caez hwnj dangz goq ndeu、caez doeg cek saw ndeu、caez ciengq souj go ndeu、caez youz aen guenj ndeu”, hamj hagdangz cigboq hwnj dangz, caez doeg 《Aen Ranz Hung Cunghvaz Minzcuz》 doenghgij cek saw neix, gwnz muengx habciengq go gyaez guek, VR yawj ciengzguenj saekhoengz.

(Veiz Sezyenz)

编辑：实习生韦婷萱复审：黄慧华终审：蒙树起