《Giuzsi》 Cazci Fatbiuj Siz Ginbingz Cungjsuhgi Faenzcieng Youqgaenj 《Guh Ak Guh Ndei Guh Hung Saeddaej Ginghci》

来源：广西民族报网

发布时间：2026-07-08

Geiz daih 10 《Giuzsi》 Cazci 5 nyied 16 hauh okbanj haenx fatbiuj Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz faenzcieng youqgaenj 《Guh Ak Guh Ndei Guh Hung Saeddaej Ginghci》. Neix dwg yaeb aeu Siz Ginbingz cungjsuhgi 2016 nienz 12 nyied daengz 2025 nienz 12 nyied geizgan mbangj di faenzcieng youqgaenj.

Faenzcieng daegbied gangj daengz, saeddaej ginghci dwg gij goek laebndang ginghci aen guek, dwg gij goekraemx gaenbonj cauh caizfouq, dwg donghsaeu youqgaenj guekgya hwngvuengh. Mboujlwnh ginghci hwngfat daengz seizlawz, saeddaej ginghci cungj dwg gij goekrag guek raeuz ginghci hwngfat、raeuz youq gozci ginghci doxceng ndawde hingz ndaej cawjdoengh. Guek raeuz dwg baengh saeddaej ginghci fatgya, hix baengh saeddaej ginghci byaij coh cograwz. Yaek dawzmaenh aeu dieg dawzrengz hwngfat ginghci cuengq daengz saeddaej ginghci, doinyoengx swhyenz yausu comz coh saeddaej ginghci、cwngcwz banhfap ngeng coh saeddaej ginghci、rengz guhhong gyaak coh saeddaej ginghci, netsaed doihaeuj gunghyezva yienghmoq, mboujduenh guh ak guh ndei guh hung saeddaej ginghci.

Faenzcieng vix ok, hangz dajcauh dwg gij giek saeddaej ginghci, aeu hangz dajcauh hwngfat ndei saed cuengq daengz dieg engqgya yienhda, dawzdingh mbouj bienq hwnqguh aen guek ak dajcauh. Hengzguh aen gunghcwngz canjnieb giekdaej youh cauh caeuq aen gunghcwngz gunggvan gisuz canghbei youqgaenj, haeuj- coengh aen giyez cien cing daeg moq hwngfat, doinyoengx hangz dajcauh hwngfat lai ak、lai gvairaeh、lai saekheu. Lai cawjdoengh hab’wngq caeuq dazyinx lwnz moq gohgi gwzming caeuq canjnieb bengwz, gyaak daeuznduj cauhmoq caeuq gunggvan gisuz youqgaenj, doinyoengx gohgi cauhmoq caeuq canjnieb cauhmoq doxyungz laegdaeuq, gyavaiq hwngfat hangz dajcauh lingxdaeuz, aeu hwnqguh aen guek ak dajcauh caeuq hwngfat soqcih ginghci、canjnieb saenqsikvaq daengj dox giethab ndei bae, coengh gij yendaiva yiengh Cungguek cauhlaeb gij giekdaej vuzciz gisuz hung’ak.

Faenzcieng vixok, aeu hwnqguh aen dijhi canjnieb yendaiva, gyamaenh guhhung gij goek saeddaej ginghci. “Cibhaj Haj” seizgeiz, itdingh aeu ciuq saed dingh geiq hwngfat gij swnghcanjliz akmoq baij youq diegvih canloz engqgya yienhda, dawzmaenh cienzmienh doihaeuj conzdungj canjnieb cienjyiengh swnggaep、lai hwngfat canjnieb hwngmoq、daezgonq baijbouh canjnieb cograwz lai banhfap caemh yungh. Gyamaenh canjnieb ndei diegvih lingxdaeuz, youq aen gvaengx gvendaengz ancienz hwngfat gyavaiq bouj doh gij yaez. Doinyoengx canjnieb hwngmoq doxgyonj hwngfat, cauhlaeb daih moq saenqsik gisuz、yinzgungh cinwngz、swnghvuz gisuz、nwngzyenz moq、caizliu moq、saekheu baujhoh vanzging daengj buek gizdieg demmaj moq ndeu. Cauhlaeb aen dijhi moq hangz fugsaeh ndeindumq、hwnqguh aen dijhi riuzdoeng doengrat, cauhlaeb aen dijhi giekdaej sezsih yendaiva.

Faenzcieng daegbied gangj daengz, aeu dawzmaenh ginhyungz fugsaeh saeddaej ginghci guh gaenbonj cunghcij. Saeddaej ginghci dwg gij goek ginhyungz, ginhyungz dwg gij meglwed saeddaej ginghci, fugsaeh saeddaej ginghci dwg gaiq hong ginhyungz. Ginhyngz guek raeuz aeu souj ndei gij bonjfaenh fugsaeh saeddaej ginghci, doinyoengx hwngfat ndei saed, baenzbaenz cungj mbouj ndaej duet saed coh haw.

(daj Sinhvazse aeu daeuj hoiz)

编辑：实习生韦婷萱复审：黄慧华终审：蒙树起