来源：广西民族报网
发布时间：2026-07-08
Mboengqneix, Nanzningz Si、Vuzcouh Si ndaej baecinj aen singz mizmingz lizsij vwnzva swcigih gaep, baenz bi 2024 《Aen Banhfap Guenjleix Bauq Aen Singz Mizmingz Lizsij Vwnzva Gvangjsih Swcigih Gaep》 hengzguh doxdaeuj aen singz buek nduj bauq ndaej baenz.
Nanzningz Si caeuq Vuz- couh Si lizsij vwnzva goekdaej naekna, miz gizdieg daegsaek ronghsag caeuq gij swhyenz vwnzva lizsij lai. Geij bi neix daeuj, Nanzningz Si cungdenj doihaeuj baujhoh coih Roen Cunghsanh、diuz gai lizsij vwnzva “sam gai song hongh”, doinyoengx lizsij vwnzva swhyenz baujhoh caeuq lizsij hwngfat、hawsingz hwnqguh doxyungz laegdaeuq. Vuzcouh Si moegbiu dwg “aen singz mizmingz lizsij vwnzva Lingjnanz”, gyavaiq doihaeuj vwnzlij canjyez hanghmoeg hwnqguh. Cungfaen vatcimh yungh gij vwnzva caeuq lijyouz swhyenz lai, laebdaeb madrongh seiq mbaw mingzben “Lingjnanz fungcingz、roengaeuq ruzcaz、aen awq saekhoengz、bouxmizmingz vwnzva”, sawj aen hawsingz Lingjnanz neix youq seizdaih moq miz rengzhoengh moq.
Yamqlaeng, Swcigih Cugen- dingh yaek caeuq Swcigih Vwnz- lijdingh daengj mizgven bouhmonz, gyalai dazyinx hong baujhoh aen singz mizmingz lizsij vwnzva Nanzningz Si、Vuzcouh Si, guhndei baujhoh gveihva caeuq guenjleix gihci, lai doinyoengx de lai bauq aen singz mizmingz lizsij vwnzva guekgya, laebdaeb hawj aen singz baujhoh ndei lizsij vwnzva yizcanj.
(Goz Yagingz Vangz Sihyiz)
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com