来源：广西民族报网
发布时间：2026-07-08
Mboengqneix, Swcigih Cugendingh hai aen hoih hainduj baijbouh hong hwnqguh dieg baujhoh aen mbanj conzdungj miz daegsaek daengx gih, baijbouh gij hong hwnqguh dieg baujhoh aen mbanj conzdungj miz daegsaek guekgya gaep Lingzconh Yen、Cunghsanh Yen.
Lingzconh Yen、Cunghsanh Yen ndaej senjhaeuj dieg baujhoh aen mbanj conzdungj miz daegsaek guekgya gaep buek nduj bi 2026, ndaej gij ngaenzcienz boujdiep cienhangh cunghyangh caizcwng. Aen hoih iugouz daengx gih gak dieg gak bouhmonz doinyoengx baujhoh aen mbanj conzdungj hwngfat guhbaenz daj dandog lingzsanq coih hamjyat coh baenz benq gyonj hwngfat.
Hong hwnqguh dieg baujhoh dawzmaenh aen yenzcwz “baujhoh guh daeuz、leihyungh guh giek、cienzswnj guh goek”, ciuqei diuzroen “vunzmbanj cawjdaej、cwngfuj dazyinx、ndawbiengz bangrengz”, hopheux baujhoh、yungh lix、cienzswnj、hwngfat seiq aen haedsim. Dawzcinj aen cawjdaez miz daegsaek, cingjhab lai dieg ngaenzcienz dungjcouz doihaeuj, laeb aen gihci “ndwen diuhdoh、dinghgeiz doengbauq、cienhangh duzdauj”. Coih baujhoh ranz gaeuq, mbouj ndaej seizbienh lidcoih; haeujlaeg vatcimh feihyiz swhyenz, laeb vwnzva dangjanq; miz bouhloh doihaeuj ceihleix nyapnyaj raemxuq, guh ndei giekdaej sezsih bae, hawj aen mbanj lai habyouq. Dawzmaenh youq ndaw baujhoh bae hwngfat, ciuq saed dingh geiq hwngfat lajmbanj lijyouz doenghgij canjyez neix, dajcauh diuz roenloh vwnzlij miz daegsaek; haeujcoengh “dajveh roengz mbanj”, hwngfat yenzhag、ciengxndang、feihyiz daejniemh doenghgij yiengh moq neix, gyalai gij rengz ndaej laebdaeb hwngfat.
（Bangz Gwzbingz Huz Denzdenz）
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com