来源：广西民族报网
发布时间：2026-07-08
4 nyied 11 hauh, “Sam Nyied Sam Gvangjsih·Aen Ciet Angq Vanhgih” nem gij yienghsaeh doigvangq Gvangjsih vwnzva lijyouz（Dunghgvanj） 2026 youq Gvangjdungh Dunghgvanj guh. Riengzlaeng, youq Gvangjcouh、Sinhcin、Cuhhaij、Fuzsanh、Moumingz 5 aen singz lij yaek guh baenzroix yienghsaeh.
Gij yienghsaeh aen ciengz Dunghgvanj yienhciengz, laeb miz dieg langhbaij minzcuz vwnzva、dieg doigvangq Gvangjsih lijyouz、dieg fugsaeh cauhnieb couhnieb、dieg baijgai doxgaiq miz daegsaek、dieg sawq caez guh’angq doengh gij neix, ciuyinx lauxyieng Gvangjsih caeuq siminz vanhgih ca mbouj lai baenz fanh vunz daeuj yawj.
Ciuq cam rox, “Sam Nyied Sam Gvangjsih·Aen Ciet Angq Vanhgih” baenzroix yienghsaeh youz Swcigih Cwngfuj Cu Gvangjcouhban、Dunghgvanj Si Gvangjsih Sanghvei、Dunghgvanj Si Ouhsang Swdungva Sezbei Gohgi Youjhan Gunghswh doxcaez cawjbanh, gaenq laebdaeb guh 10 bi, dwg gij saeh angq vunzlai Gvangjsih youq Gvangjdungh haeujrwz haenx. Vih lai langhbaij gij yinxdaeuz vwnzva minzcuz vunznoix Gvangjsih, lwnh gij cingzcik Gvangjsih ginghci sevei hwngfat, doigawj doxgaiq reihnaz miz daegsaek Gvangjsih, bineix baenzroix yienghsaeh youq vanhgih lai aen singz guh, caemhcaiq baeznduj guh aen bingzdaiz fugsaeh “Gveiq Youq Vanhgih”, cingj gyoengq siminz Gangj Au camgya, gyahaeuj gij fungcingz minzcuz Gvangjsih hawj davanhgih lai yiengh vwnzva doxyungz hwngfat, coihaeuj gak minzcuz doxbyaij doxgyau doxyungz.
(Cungh Siujgij Linz Yungj Cangh Linz)
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com