Buen Daizheiq Angqhoh Ngoenzciet Daengz Segih Haeujgyawj Roxnyinh Minzcuz Doxgiet

来源：广西民族报网

发布时间：2026-07-08

Bi 2026 “Sam Nyied Sam Gvangjsih·Aen Ciet Angq Betgveiq” vwnzva lijyouz binjbaiz hozdung geiz- gan, gih raeuz yaek hopheux couq- maenh gij eiqsik Cunghvaz Minzcuz ranz vunz ndeu diuz sienqmeh neix, daengx gih cujliuz meizdij baengh gijndei sam gaep doxdoeng, guh gij hengzdoengh segih minzcuz doxgiet “Gvangjsih gekleiz doxhuz” daengx gih cujliuz meizdij doxcaez cigboq, aeu angqhoh ngoenzciet daj daizheiq buen daengz segih, gangj ndei gij gojgaeq minzcuz doxgiet baenaj.

Baez yienghsaeh neix yaek youq 4 nyied ndawcib daengz 5 nyied ndawco guh, youz Swcigih Minz- cunghveij、Swcigih Dangjveij Sevei Gunghcozbu、Swcigih Gvangjdengiz caeuq Gvangjsih Yizbau doxcaez cawjbanh, caeuq daengx gih gak si、yienh yungzmeizdij cunghsinh guh. Daengzseiz, 14 aen si laeb gih 14 aen segih、mbanj、vwnzva cangzsoj hopheux “caezyouq caezhag、caez- hwnq caezyungh、caezguh caezangq” daplaeb daizheiq, dajcauh gij heiq- faenh ngoenzciet naekna “Betgveiq huzyinh·caezsim caezyungz”. Baij- yienj gofoux minzcuz、langhbaij dinfwngz feihyiz、ra gijgwn ndei、lwnhgangj couqmaenh gij eiqsik Cunghvaz Minzcuz ranz vunz ndeu、vunzlai caez guh gij saeh dijyuz、doxgaiq miz daegsaek henzguek haeuj segih……Gak dieg laebdin gizdieg daegdiemj、vwnzva daegsaek、gijndei swhyenz caeuq bouxminz aeuyungh, guh gij yienghsaeh lai cungj lai yiengh, hawj gaiq yienghsaeh neix lai haeujgyawj vunz, lai miz rengzhoengh, guhbaenz aen yiengh “it mbanj it yiengh、lai yiengh caez guh”.

Lumjbaenz, youq Nanzningz Si Banzlungz Segih, ngaiz daizraez nem biujyienj gofoux minzcuz aeu fwen、diuqfoux minzcuz、feihyiz caeuq haeuxnaengj haj saek、youzcaz doengh gij doxgaiq ndeigwn neix doxyungz hwnjdaeuj, hawj bouxminz youq bakdou ranz roxnyinh gij fungcingz minzcuz lai cungj lai yiengh. Youq Liujcouh, “hawfwen Yizfungh” daengx guek eu fwen doxdax nem “fwensien Liuz Sanhcej” Gvangjsih fwenvuengz doxdax comz bouxak eu fwen daengx guek, aeu fwen gyau youx、aeu fwen cienz cingz, haeujlaeg vatcimh gij vwnzva Liuz Sanhcej. Youq Bwzswz, “bak mbanj beij fwen·ciengqgok Yougyangh” haj swngj gih eu fwen doxdax ciuyinx canghfwen Gvangj- dungh、Gvangjsih、Yinznanz、Gveicouh、Huznanz daeuj caemhdaiz doxdax, guhbaenz hamj swngj gih vwnzva doxgyau.

Baez cigboq neix hopheux gekleiz caemhcingz、minzcuz caez- yungz、vwnzva caezyungh， langhbaij gak cuz vunzlai caez gvaq ciet、caez lwnh cingzngeih, hawj gyoengq vangjyouj mbouj ok dou hix ndaej roxnyinh gij saeh Gvangjsih minzcuz doxgiet baenaj caeuq gij yinxdaeuz daegbied ciet sam nyied sam Gvangjsih, hawj couqmaenh gij eiqsik Cunghvaz Minzcuz ranz vunz ndeu engqgya haeujlaeg simvunz.

（daj 《Gvangjsih Yizbau》 aeu daeuj genj hoiz Liz Yingzyingz）

编辑：实习生韦婷萱复审：黄慧华终审：蒙树起