来源：广西民族报网
发布时间：2026-07-08
4 nyied daengz 5 nyied, Gvangjsih yaek banh “vih bouxminz angjcuengq——gij baijyienj heiq maenhndei guekgya yisuz gihginh”. Daengzseiz, 7 aen swngj（gih、si） 12 aen yienhduenz 12 daiz heiq ndei youq Nanzningz、Liujcouh yienjok 24 ciengz.
Baez baijyienj neix youz Guekgya Yisuz Gihginh Gvanjlij Cunghsinh、Gvangjsih Vwnzva Caeuq Lijyouz Dingh cawjbanh, gij heiq camgya yienjok cungj dwg gij heiq maenhndei ndaej guekgya yisuz gihginh bangcienz gvaq. Yienjheiq miz heiqvah、heiqciengqgo、heiqfoux、heiqgo、heiqlwgnyez doengh gij heiq neix, bouxyienj mizmingz doxcomz、heiq ndei lailang, baudaengz Gvangjsih Vwnzva Yisuz Cunghsinh、Nanzningz Heiqciengz、Gvangjsih Minzcuz Heiqyienh、Liujcouh Vwnzva Yisuz Cunghsinh seiq aen ciengzguenj.
Heiq ndei doxcomz Gvangjsih. Heiqfoux 《Hungzlouzmung》 caiq yienh gij vwnzyoz ginghdenj okdaeuj, heiqvah 《Hwnj Baihbaek》 laebdin gij daezcaiz lizsij youqgaenj, heiqcaijdiu 《Liuz Sanhcej Moq》 ciengqgok fwen minzcuz seizdaih moq, heiqgo minzcuz 《Liuj Liujcouh》 aeu gij hingzsik yisuz gangj ndei gojgaeq deihfueng…… Doengh gij cozbinj neix swhsiengj cinglaeg、yisuz maenhndei、guh ndaej ndei, lai yienh’ok gij suijbingz cozbinj guekgya yisuz gihginh bangcienz de.
Gaiq baijyienj neix cawx fei engqgya lai yiengh caeuq fuengbienh, heiqmoeg baijyienj yaek youq Gvangjsih Vwnzva Leih Bingzdaiz、Damwzvangj、Myauhyenj doenghgij bingzdaiz neix caemhyamq youq gwnzmuengx gai fei. Mboengq guh yienghsaeh, mbiengj cawjbanh lij yaek caemhyamq guh doxyaeng cauhguh、gwnzmuengx cigboq、baenzroix yisuz doengh gij yienghsaeh boiqdauq neix, dajcauh aen binjbaiz vwnzlij miz daegsaek “gaen yienjok youz Gvangjsih”, caemhcaiq doenggvaq guenfueng bingzdaiz cigboq liuxliux, hawj engq lai vunz ndaej ndei.（Cuh Yaujlingz）
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com