来源：广西民族报网
发布时间：2026-07-08
3 nyied 20 hauh, 2026 nienz “ciet lungzcin” henzguek Cungguek（Lungzcouh）·Yeznanz（Gauhbingz、Liengsanh） youq Lungzcouh Yen guh. Vunz henzguek Cungguek Yeznanz、gak hangz hekgviq caeuq gak dieg bouxhek doxcomz giz ndeu， doxcaez gvaq ciet、 doxcaez gangjgoj, guhlaeg Cungguek Yeznanz vwnzva doxgyau.
Yienghsaeh hainduj, yienhciengz guh cingj lungz gouzfuk、diemj da lungz doengh gij yizsiz neix, maqmuengh fwn yinz rumz swnh、guekgya onjdingh.《Doengzluij Angq Doengh·Angqcoux Bet Fueng》 fouxdoengzluij、fouxroqgyong、yienj foux lungz doxcaez guh, aeu gij biujyienj yiedcingz neix daeuj angqcoux Yeznanz hekgviq, langhbaij gij cingz naekna Cungguek Yeznanz song guek bouxminz doxbang doxcoengh、caen lumj ranz ndeu.
Gwnz haimuqsik, Cungguek Yeznanz gyoengq bouxyienj yienj 《Dahsau Aendwngz Loq Mbinyeg》《Gij Go Cingzngeih Yeznanz Cungguek》 doengh gij cezmuz ndeiyawj neix, aeu sing go caeuq yaem’wenq cienz gij simmuengh song guek bouxminz daihdaih doxndei. Yizsiz doeklaeng, Cungguek Yeznanz song mbiengj daibyauj doxsoengq huqlaex、 hab’ingj louzniemh, dinghgek roengz yaepseiz dijbauj cingzngeih Cungguek Yeznanz.
Riengzlaeng,“lungzcin gouz bi·Yazgwz doiqvah”“Dan’gyah baenz- ranz·gimzyinh Mbanjcuengh” langh- baij gij fungsug youq gwnz raemx baenzgya、sawq guh Mancuengh、sawq guh diengznding、 guh ceiz、baij gai huq reihnaz miz daegsaek doengh gij hanghmoeg neix doengzcaez guh. Cungguek Yeznanz hekgviq doxcaez cunzyouz， gyoengq bouxcoz doxcaez caeuqfaenh diuq fouxsaux、dwkdom doengh gij saeh neix, yienhciengz vunz lai vunz daih, gizgiz angqyangyang.
(daj 《Gvangjsih Yizbau》 aeu daeuj genj hoiz Lij Veiswj)
编辑：实习生 韦婷萱 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291
汉文版电子邮箱：gxmzbzb@163.com 壮文版电子邮箱：gxmzb2@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com