来源：广西民族报
发布时间：2025-04-16
4 nyied 13 hauh, bi 2025 “sam nyied sam” Gvangjsih Yinznanz Gveicouh “hawfwen beixnuengx” doxdax youq Baksaek guh. 18 aen doihfwen Gvangjsih、Yinznanz、Gveicouh caezcaemh ciengqgok fwen haenh seizdaih moq.
Baez doxdax neix miz gagciengq、siujcuj ciengq、song boux ciengq、yozdui yienjciengq doengh gij hingzsik neix, gyoengq canghfwen ciengq seizdaih doxbae、ciengq minzcuz doxgiet, aeu diuz fwen mbouj doengz diuh caezcaemh angqhoh “sam nyied sam”. “Haemhneix dou dwg ciengq 《Mbanjmyauz Vahai Caj Mwngz Daeuj》, dwg naeuz Mbanjmyauz ngoenz bienq gvaq ngoenz, maq- muengh gak cuz beixnuengx lai daengz Mbanjmyauz guh hek, hix maqmuengh gak minzcuz ndaej lumj ngveih sigloux nei gaenjndaet doxlienz.” Yinznanz Swngj Vwnzsanh Bouxcuengh Myauzcuz Swcicouh canghfwen Danz Yozgaij naeuz. Gveicouh Swngj Genzsihnanz Buyihcuz Myauzcuz Swcicouh canghfwen Loz Dingzveij naeuz:“Daeuj daengz Baksaek, dou roxnyinh daengz gak cuz beixnuengx yiedcingz lai, dou ciengq fwen samdiuh Gveicouh hawj bouxminz Baksaek, caemhcaiq hix maqmuengh ndaej caeuq gyoengq canghfwen gak dieg lailai baedauq, caezcaemh hawj fwen minzcuz guh baenaj.”
Geij bi neix daeuj, Baksaek Si baengh minzcuz vwnzva, heuhcomz guh yienghsaeh minzcuz vwnzva doxgyau Gvangjsih Yinznanz Gveicouh sam swngj（gih） lai ciengz gvaq, miz fwen doxdax、langhbaij ndangdaenj minzcuz、dijyuz doxdax doengh gij saeh neix, laebdaeb doinyoengx sam swngj(gih) gak cuz beixnuengx doxcunz doxgyau doxyungz. (Liengz Liswngh)
编辑：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com