Gvangjsih Song Aen Hanghmoeg Senjhaeuj Aen Anqlaeh Denjhingz Daengx Guek Vaiqsoengq Haeuj Mbanj

来源：广西民族报网

发布时间：2025-03-04

Mboengqneix， Guekgya Youz- cwnggiz fatbouh gij senjbien anqlaeh denjhingz hong vaiqsoengq haeuj mbanj(buek daih’it), Gveilinz Si Lingzconh Yen vaiqsoengq haeuj mbanj hanghmoeg caeuq Laizbinh Si Yinhcwngz Yen “vaiqsoengq+densangh” doxgap haeuj mbanj hanghmoeg ndaej senjhaeuj.

Gveilinz Si Lingzconh Yen vaiqsoengq haeuj mbanj hanghmoeg yungh “aen vunqsik hwngfat yungzhab hek huq youz ”, couhdwg vaiqsoengq giyez caeuq goenggyau gunghswh、youzcwng giyez doxgap doinyoengx vaiqsoengq haeuj mbanj. Vaiqgienh youq yienh faenleh cungsim comzsanq, hawj cigoenggyau rox vaiqsoengq giyez gag baij ci cigsoh soengq daengz camhyinhhek yangh- cin, rox soengq daengz vangjdenj yanghcin、ginggvaq song baez faenleh le yinh daengz camhyinhhek yanghcin, caiq hawj cigoenggyau rox youzcwng gunghswh soengq daengz camhdiemj ndaw mbanj, saedyienh vaiqsoengq haeuj mbanj. Daengz seizneix, daengx yienh hwnqguh gaijguh yienh gaep aen cang boiqsoengq aen ndeu、camh fugsaeh cunghab yungzhab hek huq youz yanghcin 5 aen、diemj fugsaeh yungzhab hek huq youz cunh gaep 102 aen， hingzcwngcunh youzcwng vaiq- soengq 100% daengz caez.

Laizbinh Si Yinhcwngz Yen “vaiqsoengq+densangh” doxgap haeuj mbanj hanghmoeg doenggvaq cingjhab gij swhyenz boiqsoengq mbiengj guenjguh vaiqsoengq giyez caeuq diegsuen densangh canjnieb, ciuq dieg bae hwngfat gij vunqsik boiqsoengq “yienh—cunh caez soengq soh douz”, vaiqsoengq giyez baengh mbiengj guenjguh diegsuen densangh canjnieb hwnq aen muengx boiqsoengq, hawj gaiq vaiqsoengq mbouj yungh ginggvaq vangjdenj yanghcin, cix caeuq huq densangh caez cigsoh douzsoengq daengz diemj fugsaeh densangh vuzliuz ndaw mbanj bae, saedyienh vaiqsoengq haeuj mbanj. Daengz seizneix, daengx yienh 12 aen yanghcin gungh hai 16 diuz sienq daehyinh, vaiqgienh lawhdouz gaenq cwgoemq daengz 85 aen hingzcwngcunh, gij beijlwd cwgoemq daengz 70.20%.

(Goz Yagingz)

编辑：黄誉琦复审：复审：黄慧华终审：蒙树起