Liujcouh Lai Vatcimh “Lungz” Minzcuz Vwnzva Gyalaeg “Haj Aen Nyinhdoengz”

来源：广西民族报网

发布时间：2025-02-20

Gaenh geij bi neix, Liujcouh Si Cwngzcungh Gih gaenjndaet humx- heux hoenz “cienzciep” Cunghvaz conzdungj vwnzva maenhndei, laebdin giekdaej “swnghhoz” yinzminz ginzcung, doidoengh fwed“hwngfat” ginghci sevei, youq gwnz giekdaej gij cienzgangj bet lungz youz Liujgyangh caeuq Liujgyangh vwnzva cienzciep caemhcaiq hwngfat minzsug hozdung “lungzvangz okyouz”, doicaenh vwnz- va gagsaenq gaggiengz, doidoengh gak cuz ginzcung gyalaeg “haj aen nyinhdoengz”.

It dwg laebhwnj aen gwzgiz cwngfuj dazyinx daengxcungq vunz camgya. Gihveij Dunghcanbu、 Gih Minzcunghgiz daengj 19 aen bouhmonz, lienzhab dingh ndei gak hangh “lungzvangz okyouz” fangh’an, laeb mizgven gunghcozcuj, gveihva dieg cunzyouz, lienz sam diuz gai gig miz deihfueng daegsaek caeuq Vujsingh、 Cinghyinz、 Funghcingz- gangj daengj gai gaicawx baenz aen cingjdaej ndeu, doidoengh minzcuz vwnzva yiengq daegsaek ginghci hwngfat, supyinx vunzvunz bouxyouz camgya, mizyauq gikfat rengzhoengh hawsingz.

Ngeih dwg yungh ngoenzciet guh gaiqdap, lai vatcimh minzcuz vwnzva. Iucingj bouxcienzswnj feihyiz、 bouxcoz gagnyienh caeuq yisuzdonz bouxlaux gaenh 600 vunz gapbaenz “bet lungz soengqlaex” doih cunzyouz, gyoengqde daenj ndangdaenj Gun、 Cuengh、 Myauz daengj minzcuz, cang gak cungj giek gojgaeqfangz, giet- hab ciengnyied cibngux vadaeng baijok, gyalaeb haujlai doxgyau hanghmoeg，yungz singjsae、 fouxlungz daengj conzdungj byaujyenj, cauxbaenz aen minzcuz vwnzva hozdung cauhmoq comz gijgwn ndei Liujcouh、conzdungj fungsug dox- caemh ndeu, coicaenh gak cuz ginzcung sam gyau.

Sam dwg baengh gohgi soujduenh, cauhmoq doigvangq senh- conz. Hozdung geizgonq, baengh mizgven vunz vangjloz, yungh gij hingzsik ngeixdauq Liujcouh、 gwnz gai caijfangj daengj, youq veizsin、 veizboz、 doujyinh、 hawciengz LED bingz daengj meizdij moq guh senhconz; daengz seiz hozdung, youz dungjcan minzcungh caeuq senhconz bouhmonz cujdauj、 vangjloz daih V yienhciengz gaen ingj gejnaeuz, vuzyinzgih youq gwnz mbwn doq ingj doq cienz yienhciengz cingzgvang, veizsin sibinzhau、 veizboz caeuq doujyinh cigboq ndawde soq yawj miz daih’iek 30 fanh vunzbaez, “feihyiz banj lungzvangz okyouz” saedyienh hamj seizgan ndawhoengq vwnzva cienzciep, doidoengh cauxbaenz aen vunqsik feihyiz cienzciep moq bujgizvaq、 gyonjcomzvaq、 cienz- mienhvaq.

(Ceh Libingz/车丽萍)

编辑：黄誉琦