Liuz Ningz Bae Laizbinh Si Yenzgih Giyez Caeuq Hanghmoeg Hwnqguh Itsienq Hezdiuz Gaijgez Vwndiz Doidoengh Hwngfat

来源：广西民族报网

发布时间：2024-11-15

　　11 nyied 9 hauh, Swcigih Dangjveij suhgi Liuz Ningz bae Laizbinh Si yenzgih、giyez caeuq hanghmoeg hwnqguh itsienq diuyenz, yienhciengz hezdiuz gaijgez vwndiz, daegbied gangj daengz aeu haeujlaeg doeksaed gij cingsaenz Ngeihcib Gaiq Samcung Cienzhoih Dangj caeuq gij iugouz youqgaenj Siz Ginbingz cungjsuhgi lwnhgangj hong Gvangjsih, cietsaed aeu swhsiengj caeuq hengzdoengh doengjit daengz gij anbaiz baijbouh Dangjcungh- yangh, ciuq gij iugouz guhhong Swcigih Dangjveij、Cwngfuj, caenh- itbouh gyalai roxnyinh guh ndei hong ginghci cwzyin naek, hopheux gij canloz yinvu hwnqguh “it gih song dieg it suen it roenloh”, haenqrengz doeksaed、haeujlaeg gaijgwz、fugsaeh giyez、baujcang minzswngh、doi- doengh hwngfat, caiq haeujsim、caiq gyarengz, haenqrengz ca ndei hong ginghci song ndwen ceiq laeng bineix, roengzrengz saedyienh daengx bi ginghci sevei hwngfat moegbiu yinvu.

　　Laizbinh Si Sanhgyanghgouj Sinhgih Singnwngz Sang Cijgih Caizliuh Moq Canjyezyenz, gungh roengzgoek 219 ik maenz, 2022 nienz 3 nyied haihong hwnqguh doxdaeuj, gyoebsuenq guhsat dingh- maenh roengzgoek 57.2 ik maenz. Liuz Ningz byaij haeuj yenzgih canjdingh caeuq giyez cehgenh, caensim cam hanghmoeg guh ndaej baenzlawz, cungfaen haengj- dingh bi buenq couh hwnqbaenz geiz nduj hanghmoeg, maqmuengh giyez gyavaiq doicaenh hwnqguh geiz ngeih、sam, daiqdoengh engq lai giyez lienhcanjnieb haeuj youq, iugouz Laizbinh Si caeuq swcigih mizgven bouhmonz cagaenj yenzgiu gaijgez gij vwndiz hanghmoeg yungh dieg saemjbae daengj giyez dwen ok de. Riengzlaeng, Liuz Ningz daeuj daengz Laizbinh Saekloeg Vagungh Yenzgih hanghmoeg yienh- ciengz, dingq bauqlwnh yenzgih hwnqguh gviveh cingzgvang, iugouz youq gwnz giek gyavaiq hwnqguh canjnieb hanghmoeg seizneix miz de, yungh ndei dangdieg faex、oij、rin daengj swhyenz, gyagiengz rengz dinghyiengq ciu canghseng’eiq, yinx daeuj aen giyez lingxdaeuz, haenq- rengz hwngfat vagungh caizliuh moq caeuq huq vagungh cingsaeq, gyavaiq hwnqguh boiqdauq giekdaej sezsih, coenghrengz canjnieb hwngfat ndei saed.

　　Liuz Ningz lij bae Gvangjsih Luzlenz Swnghvuz Gohgi Gunghswh caeuq Gvangjsih Dezhozginh Gungh- swh, ciengzsaeq roxyiuj giyez guenj- guh caeuq cwngcwz leih giyez doek- dieg ndaej baenzlawz yiengh, gienq- mienx giyez gyagiengz conzdungj canjnieb cienjhingz swnggaep、daez- sang guenjguh guenjleix suijbingz caeuq gaenxmaenx haigvangq haw- ciengz.

　　Liuz Ningz daegbied gangj daengz, Laizbinh Si diegvih ndei、swhyenz lai, aeu cungfaen fatok gij ndei bonjfaenh, ciengjca gij seizgei hungnaek Cunghyangh doiok baenz- roix cwngcwz ndei caeuq seizcou seizdoeng mboengq youqgaenj guh- hong, gyagiengz ginghci yinhhengz diuhdoh, ciengzseiz guh saeddaej ginghci diuyenz fugsaeh, haenqrengz ca hanghmoeg lai roengzgoek coi hwngfat, doidoengh engq lai hangh- moeg gyavaiq hwnqbaenz doekdieg, cien fueng bak geiq guhsat ginghci sevei hwngfat moegbiu yinvu. Aeu gyavaiq canjnieb yenzgih gaijgwz hwngfat, caenh’itbouh guhndei seiq- henz guh seng’eiq, gyalai rengz ciu canghseng’eiq daeuj guh seng’eiq, ciuq dieg bae guh hwngfat yiengh swnghcanjliz rengzmoq, gyavaiq cauhlaeb aen dijhi canjnieb yendaiva, vih daengx gih ginghci sevei hwngfat ndei saed lai ok goengrengz.

　　(daj 《Gvangjsih Yizbau》 aeu daeuj genj hoiz Vei Bizfungh)

编辑：黄誉琦复审：黄慧华终审：蒙树起