Gaiq Daih Cibngeih Daengx Guek Siujsoq Minzcuz Conzdungj Dijyuz Yindungvei Haimuq

来源：广西民族报网

发布时间：2024-11-29

▲Gaiq Daih Cibngeih Daengx Guek Siujsoq Minzcuz Conzdungj Dijyuz Yindungvei haimuqsik yienhciengz. Vangz Yinz ingj

▲Gwnz haimuqsik, doih daibyauj Gvangjsih dingz youq biujyienj.Vangz Yinz ingj

　　11 nyied 22 hauh, Gaiq Daih Cibngeih Daengx Guek Siujsoq Minzcuz Conzdungj Dijyuz Yin- dungvei 22 hauh youq Haijnanz Sanhya haimuq. Cunghgung Cungh- yangh Cwngcigiz cangzveij、Daengx Guek Cwnghez cujsiz Vangz Huningz camgya haimuqsik.

　　Bangxhenz Nanzhaij, caez gvaq hoihhoengh. Ndaw Sanhya Si Dijyuz Cunghsinh, 56 aen minzcuz doxcomz giz ndeu, caezcaemh ciengqgok yaem- wenq gyaeundei Cunghvaz Minzcuz ranz vunz ndeu、doengzsim caezguh aen loqsiengj Cungguek. 20 diemj, haimuqsik cingqsik hainduj, gak aen doih daibyauj caeuq yienhciengz 3.5 fanh bouxyawj ciepcoux guekgeiz haeuj ciengz, Daengx Guek Siujsoq Minzcuz Conzdungj Dijyuz Yin- dungvei hoihgeiz caeuq Gaiq Daih Cibngeih Daengx Guek Siujsoq Minzcuz Conzdungj Dijyuz Yin- dungvei hoihgeiz lienzdaemh haeuj- ciengz, riengzlaeng daengx guek 31 aen sengj(swcigih、cizyazsi)、Sinh- gyangh Swnghcanj Gensez Binghdonz、doih daibyauj Yanghgangj、Aumwnz caeuq doih daibyauj siujsoq minzcuz Daizvanh byaij haeuj ciengz. Gak doih daibyauj dingz youq biujyienj 30 miux, yienh’ok gij yienghsiengq cing- saenz ndei dazfwngz baenaj lwg gak minzcuz aen gyadingz hung Cunghvaz Minzcuz.

　　Haeujciengz sat, daengx ciengz ndwn hwnjdaeuj, ciengq gozgoh Cunghvaz Yinzminz Gunghozgoz, Vujsingh Hungzgiz menhmenh swng hwnjdaeuj、riengz rumz mbinfefe.

　　21 diemj, Vangz Huningz senh- bu: Cunghvaz Yinzminz Gunghozgoz Gaiq Daih Cibngeih Daengx Guek Siujsoq Minzcuz Conzdungj Dijyuz Yindungvei haimuq! Yaepseiz, sing dopfwngz、sing hemqheuh goksadsad, Sanhya Si Dijyuz Cunghsinh nauhyied raixcaix. Riengzlaeng, hainduj yienj- heiq. Yienjheiq faen baenz “lajmbwn caemh meg”“Cunghvaz caemh ranz”“doxgiet itsim” sam aen biencieng, langhbaij le Cunghvaz vwnzva goek laeg riuz gyae、ronghsagsag, langhbaij lwg gak cuz laeb maenh aen leix- niemh doxcaemh ndeirwix doxcaemh、yungznyaenq doxcaemh、dailix dox- caemh、minghyinh doxcaemh, doxgiet buekguh, roen moq haenqguh, caez- guh aen loqsiengj Cungguek. Yienjok satbyai ciengq《Danqciengq Guekcoj》, gak cuz bouxminz caezcaemh hohfuk guekcoj hungmbwk hoenghvuengh. Haimuqsik gaxgonq, Vangz Huningz ciepraen le yindungvei cujveijvei daengxcungq cwngzyenz、boux dai- byauj gak doih daibyauj caeuq boux daibyauj yindungyenz, yawjngonz le Cungguek Siujsoq Minzcuz Conzdungj Dijyuz Vwnzvacanj、Haijnanz Cienz- mienh Haeujlaeg Gaijgwz Hailangh Caeuq Cungguek Daegsaek Swyouz Mouyigangj Gensez Cwngzgojcanj. De naeuz, aen Dangjcunghyangh aeu Siz Ginbingz dungzci guh goek gig yawjnaek hwngfat siujsoq minzcuz conzdungj dijyuz, doiq banh Gaiq Daih Cibngeih Daengx Guek Siujsoq Minzcuz Conzdungj Dijyuz Yin- dungvei guh’ok baijbouh. Aeu haeuj- laeg hagsib gvancez gij swhsiengj youqgaenj mizgven gyagiengz caeuq gaijndei hong minzcuz Siz Ginbingz cungjsuhgi, dingjmaenh doxgiet haenqguh, guh ndei boux hengzguh couqmaenh gij eiqsik caezcaemh Cunghvaz Minzcuz, aeu yindungvei banh baenz aen hoihhoengh gak minzcuz daihlienzvuen、Cunghvaz Minzcuz ranz vunz ndeu; dingjmaenh soujcingq cauhmoq, guh ndei boux fatyiengz gij vwnzva conzdungj maenhndei Cunghvaz, aeu yindungvei caux baenz aen hoihhoengh cienz- mienh langhbaij Cunghvaz vwnzva、Cunghvaz vwnzmingz, dingjmaenh caezhoz comz rengz, guh ndei boux hwnqguh gij yendaiva yiengh Cung- guek, aeu yindungvei banh baenz aen hoihhoengh saenqhwnj saenqsim、gietcomz simvunz、gikcoi sim boux- minz, gikcoi vunzlai gak cuz caez- caemh haenqrengz bae hwnqguh aen guek ak、minzcuz fukhwng.

　　Cunghgung Cunghyangh Cwng- cigiz veijyenz、Cunghyangh Dungj- canbu bucangj Siz Daifungh camgya haimuqsik. Cunghyangh Dungjcanbu fubucangj、Guekgya Minzveij cujyin Banh Yoz gangj gij vah haimuq, Haijnanz Swngjveij suhgi Fungz Feih gangj gij vah angqcoux, Guekgya Dijyuz Cungjgiz gizcangj Gauh Cidanh cujsiz haimuqsik.

　　Gaiq yindungvei neix guh 9 ngoenz, 6960 boux yindungyenz gak cuz camgya 18 hangh doxdax hangh- moeg caeuq 170 aen biujyienj hangh- moeg doxdax. Mboengq yindungvei lij banh minzcuz daihlienzvuen daengj vwnzva hozdung dem.

　　(daj Sinhvazse aeu daeuj hoiz)

编辑：黄誉琦复审：黄慧华终审：蒙树起