来源：广西民族报网
发布时间：2024-11-15
Bwzswz Si Linzyezgiz lwnh vunzlai rox, Bwzswz Si haeujlaeg gvancez doeksaed Gvangjsih gyavaiq youzcaz canjnieb hwngfat sam bi （2023-2025） hengzdoengh, laebdaeb gyalai ndaem youzcaz. Seizneix gaenq guhsat 2024 nienz youzcaz ndaem moq 12.23 fanh moux, gaijcauh ndoeng youzcaz baenz mak noix 17.85 fanh moux, guhsat najdieg、guhsat cingzsoq cungj baiz youq daengx gih daih’it. Seizneix, daengx si ndaem youzcaz daengz 236.5 fanh moux, youq daengx gih daih’it.
Bwzswz Si okdaiz gij cijdauj yigen guhndei cwngcwz hanhngeg raemj ndoengfaex, yawhlouz mbangj hanhngeg raemjfaex baujcang gij aeuyungh raemjfaex ndaem youzcaz gonq, baujcang ndaem youzcaz 2.3 fanh moux. Dazyinx youq laj loh- sienq dienhsienq ndaem youzcaz, bauq hawj diuzcingj ndoengfaex goeng’ik 1.2 fanh moux daeuj ndaem youzcaz.
Bwzswz Si haenqrengz doigvangq “youzcaz+N” cauh ndoeng vunqsik, guh “youzcaz+faexnganqciq”“youz- caz+makbwzyanghgoj”“youzcaz+gocin” daengj lai cungj guenjguh vunqsik 2.3 fanh moux, aeu ndaem lawh ciengx、aeu dinj ciengx raez. Doengzseiz, yinxhaeuj aen giyez lingxdaeuz caeuq bonjdieg youzcaz gyagoeng giyez doxgap hwngfat lienhcanjnieb youzcaz, yungh gijndei ngaenzcienz、dinfwngz、guenjleix caeuq siugai de, caeuqfaenh youzcaz canjnieb hwngfat 15.6 fanh moux.
Seizneix, Bwzswz Si gungh cauh cien moux gaep dieggiek youzcaz 12 aen, hwnqbaenz baenzbenq 500 moux doxhwnj dieggiek guhyiengh youzcaz 91 aen, youzcaz canjnieb cwgoemq daengx si 12 aen yienh(si、gih) 101.4 fanh gyaeujvunz laj- mbanj.
(Vangz Yenginz Ciengj Cwngyen)
编辑：黄誉琦 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com