来源：广西民族报网
发布时间：2024-09-13
Vih haeujlaeg gvancez gij cing- saenz Ngeihcib Gaiq Samcung Cienz- hoih Dangj, cauhlaeb aen gozci cienzboq dijhi engqgya rengzrwd, 9 nyied 6 hauh, Gvangjsih Gozci Cienz- boq Cungsim youq Nanzningz biengj baiz laebbaenz. Swcigih Dangjveij cangzveij、Senhconzbu bucangj Cinz Yizginh gangjvah.
Cinz Yizginh naeuz, Gvangjsih yaek daj deihfueng caengzmienh gvancez doeksaed baenzroix doxrox youqgaenj Siz Ginbingz cujsiz caeuq Dunghmungz gak guek bouxdaeuz yaengbaenz de, fatok gijndei Gvangj- sih caeuq Dunghmungz bya dah doxrangh、yinzvwnz doxlumj, dazfwngz Cunghyangh、Dunghmungz guekgya caeuq Gangj Au deihfueng meizdij, gapbaenz Gvangjsih Gozci Cienzboq Cungsim, dajcauh aen gozci hawj gauj cungsim caezhwnq caezyungh, cauh- laeb aen gozci cienzboq dijhi cung- denj najdoiq Dunghmungz gig miz daegsaek Gvangjsih ronghsien, engq ndei fugsaeh Cungguek—Dunghmungz caenguh doxgap.
Gvangjsih Gozci Cienzboq Cung- sim yaek haenqrengz dajcauh aen cienzboq bingzdaiz sam yiengh gap baenz aen comz “guenfueng vangjcan+gwzhudonh binzdau+aen gicin segyauh canghau rog guek”, gungganq “Hello Guangxi” gozci cienzboq bingzdaiz, doidoengh guhbaenz gij “habciengq hung” doiqrog senhconz lai cawjdaej、lai yiengh、yiengh laebdaej, hawj engq lai bouxdoeg rog guek youq aen Gvangjsih maenghndei doeg rox aen Cungguek dwggyaez.
Cungguek Yizbau Se、Cungguek Vaivwnzgiz、Cunghsinhse daengj danh- vei gvendaengz boux fucwz, Dungh- mungz roek guek capyouq Nanzningz Cungjlingjsw, 21 aen meizdij Dungh- mungz guekgya 、4 aen meizdij daibyauj Gangj Au digih camgya hozdung. Hai hoih gaxgonq, Cinz Yizginh caeuq meizdij daibyauj guek rog doxraen.
(Hoz Mingzvaz Genj Vwnzsiengh)
编辑：黄誉琦 复审：黄慧华 终审：蒙树起
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com