Siz Ginbingz Bae Vah Hong Gyagiengz Baujhoh Cienzswnj Leihyungh Vwnzva Caeuq Swhyenz Yizcanj

来源：广西民族报

发布时间：2024-08-14

　　Cunghgung Cunghyangh cungjsuhgi、 Guekgya cujsiz、 Cunghyangh Ginhveij cujsiz Siz Ginbingz mboengqneix bae vah hong baujhoh cienzswnj leihyungh vwnzva caeuq swhyenz yizcanj naeuz, “Baekging Cunghcuzsen——gij cozbinj ndei miz bouhloh aen singz lijsiengj Cungguek” caeuq “Bahdanh Gizlinz Sahmoz—Sahsanh gyoengq huz”“dieg roegseizciet douhyouq Cungguek Vangz（Boz）Haij(geiz daihngeih)” ndaej liedhaeuj 《Seiqgyaiq Yizcanj Mingz- loeg》, caeuq hwnqguh gij yendaiva yiengh Cungguek vuzciz vwnzmingz nem cingsaenz vwnzmingz dox hezdiuz、vunz caeuq swhyenz huzndei caemhyouq miz yiyi ndei lai, vih suenbakva seiqgyaiq vwnzmingz demlai saekrongh.

　　Siz Ginbingz daegbied gangj daengz, aeu gaemdawz aen seizndei bauq yizcanj ndaej baenz, caenhitbouh gyagiengz baujhoh ndei caez vwnzva caeuq swhyenz yizcanj, cietsaed daezsang gij naengzlig caeuq suijbingz baujhoh yizcanj, hen ndei gij vwnzva dijbauj caeuq swhyenz dijbauj Cunghvaz Minzcuz. Aeu laebdaeb gyagiengz hong cienzswnj、leihyungh vwnzva caeuq swhyenz yizcanj, hawj de youq seizdaih moq miz rengzhoengh moq、angjcuengq saekrongh moq, engq ndei hawj gij aeuyungh ndwenngoenz gyaeundei vunzlai ndaej habhoz. Aeu gyagiengz vwnzva caeuq swhyenz yizcanj gizdieg gozci doxgyau doxgap, yungh hengzdoengh saedsaeh bae hengzguh daengx seiqgyaiq vwnzmingz cangyi、doidoengh cauhlaeb aen minghyinh caezcaemh vunz lajmbwn guh’ok goengrengz engq lai.

　　Mboengqneix, Lenzhozgoz Gyaugohvwnz cujciz Gaiq Daih 46 Seiqgyaiq Yizcanj Daihhoih youq Yindu Sinhdwzlij banh haenx doenggvaq gezyi, aeu guek raeuz seiqgyaiq vwnzva yizcanj daezmingz hanghmoeg“Baekging Cunghcuzsen——gij cozbinj ndei miz bouhloh aen singz lijsiengj Cungguek” caeuq “Bahdanh Gizlinz Sahmoz—Sahsanh gyoengq huz”“dieg roegseizciet douhyouq Cungguek Vangz (Boz) Haij (geiz daihngeih)” liedhaeuj 《Seiqgyaiq Yizcanj Mingzloeg》, daengz seizneix, guek raeuz seiqgyaiq yizcanj cungjsoq miz 59 hangh, youq seiqgyaiq baihnaj.

　　(daj 《Sinhvazse》 aeu daeuj hoiz)

编辑：黄誉琦复审：黄慧华终审：蒙树起