Gvangjsih Laebbaenz “Couqmaenh” Yenzgiu Gunghcoz Lingjdauj Siujcuj

来源：广西民族报网

发布时间：2024-01-19

　　Mboengqneix, Gvangjsih Bouxcuengh Swcigih Dangjveij Bangunghdingh yaenqfat 《Aen Dunghcih Mizgven Laebbaenz Gvangjsih Couqmaenh Gij Eiqsik Caezcaemh Cunghvaz Minzcuz Yenzgiu Gunghcoz Lingjdauj Siujcuj》, gietdingh laebbaenz Gvangjsih Couqmaenh Gij Eiqsik Caezcaemh Cunghvaz Minzcuz Yenzgiu Gunghcoz Lingjdauj Siujcuj, guenjleix aen gihci mizgven gunghcoz yenzgiu、gezcwz camcaz.

　　Lingjdauj siujcuj dwg Gvangjsih Bouxcuengh Swcigih Dangjveij suhgi Liuz Ningz guh cujcangj、Swcigih cujsiz Lanz Denhliz guh fucujcangj, cwngzyenz dwg Swcigih Dangjveij cangzveij gapbaenz. Gij hong lingjdauj siujcuj cujyau dwg: Gvancez doeksaed gij baijbouh gezcwz hungnaek Dangjcunghyangh caeuq Swcigih Dangjveij mizgven hong couqmaenh gij eiqsik caezcaemh Cunghvaz Minzcuz; yenzgiu gij vwndiz hungnaek Gvangjsih couqmaenh gij eiqsik caezcaemh Cunghvaz Minzcuz, caemhcaiq daezok gij genyi miz cwngcwz、miz cimdoiq、miz banhfap hawj Swcigih Dangjveij gezcwz camgauj; hezdiuz cijdauj gak dieg gak danhvei dangjveij（dangjcuj） hagsib gvancez lijlun fuengcim cwngcwz hungnaek Dangjcunghyangh caeuq Swcigih Dangjveij mizgven couqmaenh gij eiqsik caezcaemh Cunghvaz Minzcuz.

　　Lingjdauj siujcuj baihlaj laeb Gvangjsih Couqmaenh Gij Eiqsik Caezcaemh Cunghvaz Minzcuz Yenzgiuvei, laeb youq Swcigih Dangjveij Dungjcanbu, fucwz hong ngoenznaengz lingjdauj siujcuj, veicangj dwg Swcigih Dangjveij cangzveij、Dungjcanbu bucangj guh. Fubucangj dwg fucujyin、fucujsiz Swcigih Yinzda、Cwngfuj、Cwnghez faenguenj roxnaeuz lienzhaeh hong minzcuz guh. Yenzgiuvei hopheux cujciz hezdiuz、lijlun yenzgiu、yozsuz doxgyau、gezcwz camcaz、senhconz gyauyuz haj aen cujyau yinvu, haiguh hong baenzroix yenzgiu couqmaenh gij eiqsik caezcaemh Cunghvaz Minzcuz, giethab gij saedguh ndaej baenz Gvangjsih minzcuz doxgiet baenaj, laegdaeuq lwnhgangj gij yiyi hungnaek、gohyoz neihanz、cingsaenz saedcaet、saedguh iugouz couqmaenh gij eiqsik caezcaemh Cunghvaz Minzcuz daengj lwnhduenq cauhndauj hungnaek; gyagiengz caeuq daengx guek gak gauhyau、gohyenz gihgou gvangqlangh doxgap、gyalaeg doxgyau, dajcauh aen yozsuz lundanz、yozsuz yenzgiuvei miz rengz yingjyangj haemq ak; gyalai haiguh diucaz yenzgiu, cujciz bingzguj camcaz, aeu dungxcaiz haeujcoengh Gvangjsih hwnqguh aen gih yienghndei couqmaenh gij eiqsik caezcaemh Cunghvaz Minzcuz; baengh ciendaez beizyin、cawjdaez senhgyangj、yenzyoz doxgyau、meizdij senhconz daengj hingzsik, bangrengz dajcauh aen dijhi ganbu gyauyuz、dangjyenz gyauyuz、gozminz gyauyuz caeuq sevei senhconz gyauyuz couqmaenh gij eiqsik caezcaemh Cunghvaz Minzcuz.

编辑：蒙树起 -