Gvangjsih Minzcuz Dayoz Guh Aen Hoih Angqhoh Laeb Hagdangz 70 Hopbi

广西民族大学举行庆祝建校70周年大会

来源：广西民族报网

发布时间：2022-07-07

7 nyied 2 hauh daengz 3 hauh, Gvangjsih Minzcuz Dayoz guh hozdung angqhoh laeb hagdangz 70 hopbi. Ndaw doz dwg 2 hauh banhaemh guh vwnzyi vanjvei biujyienj 《Vih Fukhwng Minzcuz Bae Doegsaw》.(Vangz Yinz Cangh Hungzliuj ingj)

7 nyied 3 hauh, Gvangjsih Minzcuz Dayoz guh Aen Hoih Angqhoh Laeb Hagdangz 70 Hopbi. Swcigih Dangjveij suhgi、Swcigih Yinzda Cangzveijvei cujyin Liuz Ningz camgya aen hoih caemhcaiq gangjvah. Swcigih Dangjveij fusuhgi、swcigih cujsiz Lanz Denhliz daengj camgya aen hoih.

Liuz Ningz daibyauj Swcigih Dangjveij、Cwngfuj cukhoh daengx- cungq lauxsae hagseng Gvangjsih Minzcuz Dayoz caeuq gyoengq yauyouj ndawguek rogguek, caensim gyo’mbaiq Guekgya Minzveij、 hag- dangz ndawguek rogguek caeuq vunz gak hangz gak nieb ciengzgeiz doxdaeuj gvansim haeujcoengh Gvangjsih hwngfat haenx. Liuz Ningz naeuz, Cibbet Daih Dangj doxdaeuj, Dangjcunghyangh aeu Siz Ginbingz dungzci guh vaedsim haenx yawjnaek hong gyauyuz, guh baenzroix baijbouh hungnaek banh ndei gij gyauyuz hawj beksingq habhoz、gyavaiq hwnqguh aen guek ak gyauyuz, Siz Ginbingz cungjsuhgi giengzdiuh bak bi daihgeiq, gyauyuz guh daeuz. Gyauyuz dwg daihgeiq guek, daihgeiq dangj. Caemhcaiq guh cijsi youqgaenj minzcuz gaudaengj gyauyuz lai baez gvaq, daezok gij iugouz mingzbeg “gyalaeg minzcuz doxgiet cinbu gyauyuz, cukmaenh gij eiqsik caez- caemh Cunghvaz Minzcuz”. Gvangjsih Minzcuz Dayoz youq mwh Cungguek moq yienghyiengh yaek guh de laebbaenz, youq mwh hwnqguh sevei cujyi gwzming caeuq hengzguh gaij- gwz hailangh de hwngfat hwnjdaeuj, youq gwnz roen moq gietsim comz rengz cauhlaeb aen Gvangjsih Gyaeundei sevei cujyi miz daegsaek Cungguek seizdaih moq de haenqguh, seizneix gaenq haeuj daengz duenh moq hwngfat youh ndei youh vaiq aeu “bu gih hab guh” guh geiqhauh、aeu hwnqguh aen dayoz suijbingz sang daegsaek ronghsien guh moegbiu haenx. Raeuz aeu gyalaeg roxyiuj gij yiyi gietdingh “song aen dinghlaeb”, itdingh guh daengz “song aen henhoh”, haeujlaeg gvancez doeksaed gij lwnhgangj youqgaenj baenzroix mizgven gaudaengj gyauyuz Siz Ginbingz cungjsuhgi, cienzmienh gvancez doeksaed gij cingsaenz gangjvah youqgaenj “4·27” Siz Gin- bingz cungjsuhgi cazyawj Gvangjsih caeuq gij iugouz cijsi youqgaenj baenzroix naeuz hong Gvangjsih, aeu laeb hagdangz 70 hopbi guh giz haidin moq, dingjmaenh sevei cujyi banhhag fuengyiengq、roengzrengz dajcauh aen dieg minzcuz gyauyuz dangj daiqlingx, doeksaed aen gaenbonj yinvu ganq vunz roxsoq、gungganq boux vunzmoq seizdaih rap ndaej mbaqrap fukhwng minzcuz, geiqmaenh sawjmingh sim- nduj、vih cukmaenh gij eiqsik caez- caemh Cunghvaz Minzcuz guh’ok cozyung youqgaenj, daezswng naengz- lig cauhmoq、bangrengz Gvangjsih ginghci sevei hwngfat youh ndei youh vaiq engq lai bae, daiqlingx Gvangjsih minzcuz gaudaengj gyauyuz saehnieb caiq hwnj mbaeklae moq, gietsim comz rengz cauhlaeb aen Gvangjsih gyaeundei sevei cujyi miz daegsaek Cungguek seizdaih moq, yungh hengzdoengh saedsaeh ciep- coux Ngeihcib Daih Dangj hai ndaej baenz.(Cinz Yizcwz)

编辑：蒙树起