来源：广西民族报
发布时间：2022-01-14
Geij bi neix daeuj, Vanzgyangh Mauznanzcuz Swciyen cienzmienh gvancez doeksaed minzcuz cwngcwz dangj, cauhmoq lohnaemj guh hong minzcuz, laebdaeb doicaenh hong cauhlaeb aen yienh yienghndei minz- cuz doxgiet cinbu.
Gyagiengz lingjdauj, caengz dem caengz guhsaed cwzyin guh hong cauhlaeb. Aen yienh neix laebbaenz aen lingjdauj siujcuj guh hong cauh- laeb youz yenveij、yen cwngfuj cujyau lingjdauj dang cujcangj, dinghgeiz hai hoih yenzgiu hong minzcuz, doeksaed gak gaep dangjcwng “bouxdaeuz”cwzyin, cauhlaeb gij gwzgiz hong minzcuz dangj seizdaih moq.
Lai cungj banhfap caez yungh, cauh heiqfaenh senhconz noengznwd. Aen yienh neix yungh senhconz guh dazyinx gaenxmaenx bae cauhlaeb, cietsaed doicaenh minzcuz doxgiet cinbu haeuj segih、haeuj hagdangz、haeuj gihgvanh daengj “caet haeuj” hozdung, doengzseiz, gaenxmaenx laeb senhconz byauhyij、guh senhconz canjbanj daeuj cauh heiqfaenh senh- conz.
Dungjcouz caez guh, doidoengh gak minzcuz caezcaemh hwngfat mwnhoengh. Aen yienh neix itcig aeu minzcuz doxgiet dangguh saehhung gvendaengz daengxbuenz daeuj guh, gaijgez ndei gyauyuz、couhnieb、yihliuz veiswngh daengj gij vwndiz leih’ik beksingq ceiq haeujrwz, doi- doengh hong beksingq minzcuz yamq hwnj mbaek lae moq.
Roengzrengz dajcauh, coicaenh minzcuz vwnzva、dijyuz saehnieb hwngfat cangqheiq. Aen yienh neix roengzrengz dajcauh binjbaiz “cunh- vanj bak aen cunh cien aen mbanj”, binaengz anbaiz 200 fanh maenz hawj lajmbanj guh ndwencieng vwnzyi vanjvei, cienzswnj minzcuz vwnzva.
(Veiz Yui)
编辑：韦亦玮
广西民族报社版权所有 未经书面授权禁止复制或建立镜像，广西民族报网—广西民族报原创文章，欢迎转载，转载请注明出处。
地址：广西南宁市桂春路16号 邮政编码：530021 联系电话：0771-5528076 5559552 传真：0771-5622291 电子邮箱：gxmzbzb@163.com
桂ICP备13003124号-2
桂公网安备45010002450838号
中国互联网违法和不良信息举报中心 广西互联网违法和不良信息举报中心 广西互联网辟谣平台
广西民族报社违法和不良信息举报电话：0771-5622291 举报邮箱：gxmzbsbgs@163.com